Vand(er) aenspraken die jouffrouwe katline scost(er)s/ weduwe peters wilen van ov(er)dijle woenen(de) inden/ helm te bruessele gedaen heeft op en(de) tegen/ loenijse van udekem als borghe des hee(re)n van/ bout(er)shem alse van ii r(insche)gul(den) en(de) xvii st(uvers) eens die/ de selve hee(re) te hue(re)nt v(er)teert hadde en(de) d(air)voe(r)/ zij onlancx zijn p(er)de alh(ier) ind(er) stadt doen hadde/ doen raste(re)n dair de voirs(creven) loenijs borghe voe(r)/ bleven es Welke scult zij sustineerde dat haer/ de voirs(creven) loenijs sculdich soude zijn opte leggen(e)/ te vorde(r) wa(n)t zij hue(re)n eedt d(air)voe(r) p(rese)nteerde/ te doen(e) als herb(er)ghersse dat m(ijn) hee(re) en(de) zijn dieners/ die alsoe tot hue(re)n huyse v(er)teert hadden en(de)/ dat hij d(air)af zijns selfs scult hadde gemaict/ oft soe v(er)re mijn hee(re) de contra(r)ie d(air)af dorste
//
zwee(re)n dat zij des te vreden wa(r)e en(de) nae dien/ de hee(re) van bout(er)shem d(air)toe dach gehadt hadde en(de)/ den voirs(creven) eedt niet aenveert en heeft heeft/ de selve weduwe trecht vort v(er)socht Es bij scepen(en)/ van loven(e) ter manissen smeyers gewijst met/ vo(n)nisse soe v(er)re de voirs(creven) weduwe den eedt doet/ bij haer gep(rese)nteert dat loenijs sculdich sal zijn/ haer deselve scult opte leggen(e) en(de) te betalen(e)/ In sca(m)pno m(ar)cii p(rim)[a]

Acht(er) volgen(de) desen heeft de voirs(creven) weduwe hue(re)n/ eedt gedaen op ii r(insche)g(ulden) xvii st(uvers) Eisd(em)