Item henric van straesborch soen jans wilen straesborch van kerckem heeft/genome(n) en(de) bekynt dat hij genome(n) heeft van henricke my(n)nemoen de/molen des selfs henrix met alle(n) hue(re)n toebehoirte(n) te byvorde(n) geleg(en) te/houde(n) en(de) te hebbe(n) van kersmisse neestcomen(de) eene(n) t(er)mijn van sess jae(re)n/langc deen na dander staphans sond(er) myddel volgen(de) elcx jaers hie(re)n/by(n)nen o(m)me en(de) voer vier en(de) twintich mudde rox alzulcx als de mole(n)/wy(n)ne(n) sal goet en(de) payabel d(er) mate(n) van thiene(n) te wete(n) vi halst(er)/d(er) selv(er) mate(n) voe(r) elc mudde gerekent te k(er)smisse te betale(n) en(de) te love(n)
//
te leve(re)n alle jae(re) den voirs(creven) t(er)mijn due(re)nde en(de) telke(n) t(er)mijn als v(er)volghde schout/dierste betalinge d(aer) af inne te gaen van k(er)smisse neestcomen(de) by(n)nen eene(n)/jae(r) d(aer) neest volgen(de) en(de) niet eer Item es vorw(er)de dat de voirscr(even) henr(ic)/straesborch alle jae(re) bove(n) den voirs(creven) pacht [uut] d(er) voirs(creven) molen betale(n) sall tgheent /des h(ier) na volght yerst mine(n) gened(igen) hee(re) thien halst(er) rox x halst(er) gerste(n)/xx halst(er) evene(n) d(er) mate(n) van thiene(n) Item mine(n) jonch(e)r van bout(er)shem v/halst(er) rox v halst(er) g(er)sten xvi halst(er) evene(n) d(er) selv(er) mate(n) It(em) den co(m)mandoer/van binchem ii mudde rox alzulk(er) mate(n) Item willem(me) van kersbeke en(de) janne/vanden stelve vii(½) halst(er) rox d(er) mate(n) voirscr(even) also datt(er) den voirscr(even) henricke/my(n)nemoen noch sine(n) goeden ghene(n) cost oft co(m)mer af come(n) en sal It(em) sal/de voirscr(even) henr(ic) straesborchs de velpe ruyme(n) en(de) houden op sine(n) cost also/verre henr(ic) my(n)nemoen dat sculdich soude sijn te doen It(em) sal de voirs(creven) henr(ic)/straesborchs so wa(n)neer de voirs(creven) henr(ic) my(n)nemoen aen de voirs(creven) molen metst/ty(m)mert dect oft plect alle tgheent des de voirs(creven) [henric] my(n)nemoen d(aer) toe cope(n) sal/het sij steen hout oft and(er)s des men aen de voirs(creven) mole(n) behoeve(n) sall [sall] op sine(n)/cost halen sal daert de voirs(creven) henr(ic) gecocht sal hebben en(de) dat aende voirs(creven) mole(n)/leve(re)n en(de) alsmen aen de voirs(creven) mole(n) werct dan sal henr(ic) my(n)nemoen den/werclude(n) de dachue(re)n betale(n) en(de) de voirs(creven) henr(ic) straesborchs sal den werclude(n)/den montcost geve(n) behoudelic dien dat hem henr(ic) my(n)nemoen d(aer) toe/tehulpe(n) sal elcx daichs voe(r) elcke(n) wercman eene(n) boddrage(r) alzulcx gelts als nu/gemeynlic in borse(n) gheet geve(n) en(de) betale(n) sal It(em) so wes de voirscr(even) henr(ic)/my(n)nemoen totte(n) wercke d(er) v voirs(creven) molen cope(n) sal dat sal de voirscr(even)/henr(ic) straesborch voe(r) uut leggen en(de) henr(ic) my(n)nemoen sal hem dat afslaen/aen den voirs(creven) pacht ten neeste(n) t(er)mijne en(de) alle de voirs(creven) vurw(er)de etc(etera)/h(ier) af sijn borge(n) des voirs(creven) henr(ic) straesborchs als p(ri)ncipale sculde(re)n ongezund(er)t/claes de molde(r) en(de) pet(er) vranx zwag(er) des voirs(creven) henr(ix) straesborchs/prim[(us)] roelofs ov(er)wy(n)ge iunior no(vembris) penulti(m)a