Cond zij allen lieden dat willem vand(er) dilen van wiltsele in/ jeg(ewoirdicheit) d(er) scepen(en) van loeve(n) gest(aen) heeft genome(n) en(de) bekint dat hij/ genome(n) heeft van henr(icke) vand(er) calste(re)n sijn hof gehete(n) thof/ te linden met huyse(n) hove(n) wynne(n)de lande(n) beemde(n) eeusselen/ en(de) met allen sijne(n) toebehoerte(n) inde p(ro)chie van lynde(n) geleg(en)/ al vaste aende kerke te houde(n) te hebben en(de) te wynnen/ van half meerte neestcomen(de) eene(n) t(er)mijn van xi jaren/ langc deen nae dander stappans sond(er) middel volg(ende) te/ weten de voirs(creven) lande dierste vijf jaer d(air)af t(er) helicht/ wynni(n)gen en(de) dander vi jaer d(air)af te pachte Elx jairs/ dae(re)n bynne(n) o(m)me en(de) vore xlv mudden rox goet en(de) paiabel/ met wa(n)ne en(de) met vede(re)n wel bereit d(er) maten van loeven/ alle jare s(in)te andriesmisse apostels te betalen en(de) te loeve(n)/ t(er) woni(n)ge(n) des vors(creven) henrix te leve(re)n En(de) de vorg(eruerde) beemde/ o(m)me en(de) vore xxi gulden rid(er) d(er) mu(n)ten h(er)toge ph(ilip)s van/ bourg(oig)[nen] en(de) van brabant van goude goet en(de) geve te/ weten alle jare deen helicht d(air)af te half meye en(de) dand(er)/ helcht d(air) af s(in)te m(er)tens misse te betalen den vors(creven) henr(ic)/ den vors(creven) t(er)mijn due(re)nde en(de) elke(n) t(er)mijn als v(er)volghde schout/[daer w(er)de als de vors(creven) henric sijn helcht vanden ierste(n) vijf ja(r)en doet dersche(n) d(aer)af sal den ... ... dersche(re) den (mont)cost geve(n) en(de) henric sal den derschere(n) betale(n)] It(em) es vurwerde dat de vors(creven) wynne de vors(creven) goede/lande [lande] wel en(de) loflic wynne(n) en(de) w(er)ve(n) sal gelijc reenge/ noete(n) bove(n) en(de) beneden en(de) desgelicx de beemde bevrede(n)/ It(em) es noch vurwerde dat de vorg(enoemde) wynne de huysi(n)g(en)/ houde(n) sall vand(er) ond(er)st(er) rikelen ned(er)wert op sijnen cost/ It(em) es noch vurwerde dat de vorg(enoemde) wynne den voirg(enoemde)/ henr(ic) alle jare leve(re)n sall iii vive(n)twintich mandelen/ walms o(m)me de huysinge d(air)mede te decken en(de) alsmen/ aende voirg(eruerde) huyse iet maect van ouwen wercke d(air)af/ sall henric de dachue(re)n en(de) de wynne den wercluden den/ montcost geven? ... noch vurwerde dat de vors(creven) wynne/ ...?/
//
de wynne dooft jairlix wassende opde vors(creven) goede toebehore(n)de den/ hove van lynden half en(de) half deilen sulle(n) en(de) alst dooft ald(air) rijp wese(n)/ sall dat sal sulle(n) henric en(de) de win gelijc doen lese(n) en(de) d(air)toe so sall/ de wyn den lesers den montcost geven It(em) es noch vurwerde dat/ de vors(creven) wynne dooft den vors(creven) henr(ic) toebehore(n)de alle jare te/ loeve(n) tsijne(n) huyse leve(re)n sall It(em) es noch vurwerde dat de vors(creven)/ wynne den vors(creven) henr(ic) xii kerweyen tsjaers doen sall met sijnen/ wagen en(de) p(er)den en(de) elc kerweye van eene(n) dage It(em) es noch/ vurwerde dat de vors(creven) wynne opde vors(creven) goede eene(n) t(er)mijn/ vanden iersten vijf jaren langc alle jare sette(n) sall xxv leve(n)de/ poten en(de) waert also dat bynne(n) den vors(creven) t(er)mijne vanden/ vors(creven) pote(n) v(er)droeghde so sal de vors(creven) wynne voer elke/ v(er)droechde pote moeten setten ii levende poten den t(er)mijn vanden/ ande(re)n sesse jaren langc due(re)nde It(em) es noch vurwerde waert/ dat sake dat de vors(creven) wynne opde vors(creven) goede bynnen de ierste/ vijf jaren iet saeyde maeyde oft pichte het wa(r)e gerste evene/ oft rogge oft so wat wa(r)e dat sal henric alte male half/ hebben It(em) es noch vurwerde dat de vors(creven) wynne alle hout/ af mach houwe(n) o(m)me sijn berri(n)ge af te maken sond(er) opgaende/ hout t(er) minster scaden en(de) bynnen de vijf It(em) es noch vurw(er)de/ dat de vors(creven) wynne den vors(creven) henr(ic) jairlix [den t(er)mijn due(re)nde] van halfm(er)te tot/ s(in)te remeysmisse toe houden sall ii verkene gelijc de sijnen It(em)/ es noch vurwerde dat de vors(creven) wynne de vors(creven) lande ten/ eynde van sijnen t(er)mijne also laten sall gelijc hij dien aenveert/ heeft dats te weten den wynt(er) aert besayt met rogge op/ iiii voren en(de) den zom(er)aert eens o(m)me gedaen op i voere?/ en(de) de brake geheel It(em) es noch vurwerde dat de vors(creven) wynne/ jairlix den t(er)mijn vanden iersten vijf ja(r)en langc due(re)nde den/ vors(creven) henr(ic) sayen sall een halst(er) lijsaets d(air)af dat de vors(creven)/ henr(ic) den vors(creven) wynnen gelevert heeft en(de) dat sall de/ vors(creven) wynne ...?/ ...?/
//
dan slants p(ro)fijte It(em) es noch vurw(er)de dat de vors(creven) henr(ic) den vors(creven)/ wynne den t(er)mijn vors(creven) due(re)nde alle twee jare(n) geve(n) sall iiii elle(n)/ lakens teene(n) tabbarde h(ier) [af] sijn borge(n) des vors(creven) wynne(n) als p(ri)n(cipa)[le]/ sculde(re)n ...? ind(ivisim) ongesund(er)t en(de) onv(er)sceide(n) en(de) elc voer all jan de smet/ geheten de rattenbeughe(re) peter vand(er) dilen en(de) jan vand(er)/ dilen oem des voirscr(even) peters beide van wiltsele et/ p(ri)m(us) cor(am) vynck prijke(re) febr(uarii) ...?/