Item t(er) meerd(er) vestich(eit) den voirs(creven) meest(er) henricke en(de) janne te doene/ soe sijn bij handen jans bailge vorst(er)s te loven(en) vanden voirs(creven) hubrechte/ den voirs(creven) meest(er) henricke en(de) janne in hande(n) ghesedt en(de) voir tvoldoen/ d(er) voirs(creven) brieve(n) verobligeert Inden yersten vijf zilve(re)n schalen van/ eene(n) faetssoen wegen(de) te same(n) xxix onssen xv yngelssche It(em) / zesse zilve(re)n schalen van eene(n) [and(ere)n] faetssoen wegen(de) xxxv onssen vii(½)/ ynghelssche Tot dyen eynde ghebuerdet den voirs(creven) meest(er) henricke/ en(de) janne in toecomen(de) tijde(n) inde voirs(creven) lijfrente oft bewijsenisse der/ selv(er) oft inden voirs(creven) scepen(en) brief eenich ghebreck te hebbene dat/ de voirs(creven) meest(er) henrick en(de) jan oft yemant and(er)s recht d(aer) inne hebben(de)/ sijn ghebreck aen de voirs(creven) juweele(n) verhalen sal moge(n) en(de) die met/ rechte vercoepe(n) en(de) hen aen die pe(n)ninghe d(aer) af comen(de) v(er)richte(n) Ende/ oft de voirs(creven) ghehuysschen and(er)s dan met vercoepen(en) d(er) voirs(creven) goeden v(er)nueght/ wordde Soe sal de voirs(creven) [meest(er) henr(ick) en(de)] jan ghehouden sijn den voirs(creven) h(er)ubrechte de/ voirs(creven) juweele(n) ghelijc sij die ontfange(n) hebben wed(er) om hem ov(er) te/ leveren zond(er) argelist cor(am) eisd(em)