It(em) heilwijch weduwe philips plissis wijle(n) van vorst in p(rese)nc(ia)/ heeft ghekint en(de) ghelijt dat sij ghehave(n) en(de) ontfanghe(n) heeft/ van joffr(ouwe) katheline(n) van ardinghen vrouwe van huldenberghe/ xx peet(er)s der mu(n)te(n) ons gened(ichs) shee(re)n ts(er)togen xxv rinssche/ gulden(en) en(de) xi st(uvers) in afslaghe ende mynd(er)nisse(n) van dien vi/ rijd(er)s lijftochten te xxvi st(uvers) den rijd(er) gherekent ten live der/ voirs(creven) heilwigen dair inne de voirs(creven) joffr(ouw) katheline als p(ri)ncipael/ jan van raetshove(n) arnt vanden hove meye(r) van bout(er)shem ende/ barthelmeeus kympe als borghen der selv(er) joffr(ouwe) katheline(n) te/ huerweert ghehoude(n) sijn met scepen(en) brieve(n) van loeven(en) dair op/ ghemaect der voirs(creven) joffr(ouwe) katheline(n) ende hue(re)n borghe(n) en(de) huer/ goede en(de) elcx van hen vanden voirs(creven) xx peet(er)s xxv rinssche gul(den)/ en(de) xi st(uvers) in afslaghe ende in mynd(er)nissen der lijfpens(ien) voirs(creven)/ volcomelick quijtschilden(de) Consente(re)nde en(de) ov(er)ghevende de voirscr(even)/ heilwijch eve(n)verre den ov(er)slach ende tgebreck vander voirs(creven) so(m)me(n)/ tot lx rijd(er)s toe voert betaelt wordt tussche(n) dit en(de) van in/ goensdaghe in twee maenden naistcomen(de) tot x oft ii rins/ gulden(en) toe ende dan voirt de selve x oft xii rinssche gulden(en) alsdan/ ghebreken(de) te liechtmisse dair nae dat der selv(er) heilwijge(n) dair mede/ volbetaelt en(de) volvult sall sijn den scepen(en) brief vanden vi rijd(er)s/ lijfpen(sien) voirs(creven) Ende oft des niet en wae(re) dat sij dan vanden ombetaelde(n)/ gelde sal blive(n) staen(de) opt recht van hue(re)n scepen(en) brieve vanden vi/ rijd(er)s lijftochte(n) voirs(creven) ende te dyer meyninghen blijft den lijfpen(sien) brief/ liggen(de) ond(er) scepen(en) cor(am) tymple hoeve(n) novemb(ris) xvi