Nae dien dat tande(re)n tijden te weten(e) febr(uarii) prima a(n)no lxiiii ghet(er)mineert/ es gheweest tusschen de bedesette(re)n van bout(er)shem t(er) eenre ende den/ bedesette(re)n van meld(er)t t(er) ande(r) zijden dat een gheheeten vranck beys/ gheseten ind(er) p(ro)chien van meldert met dien van meldert inder c(on)t(ri)bucie(n)/ vander beden ons ghenid(ichs) she(re)n tsh(er)toghen ghelden soude Behoudelic oft/ hij en(n)nighe verloofde goede oft vercreeghe(n) goede hadde liggen(de) ond(er) bout(er)shem/ dat hij van dien aldair ghelden soude nae der instencien vand(er) beden/ Soe sijn op heden comen voir onsen raide de hee(r) van bout(er)shem ende/ vrancke beys voirs(creven) t(er) eenre ende de bedesette(re)n van meld(er)t vors(creven) t(er) ande(re)/ segghende de voirs(creven) hee(r) van bout(er)shem dat de woninghe en(de) hofstad/ die de voirsc(reven) vrancke nu bewoent al es die inde p(ro)chie va(n) meld(er)t/ gheleghen Soe heeft nochtan de selve vrancke ghelooft van dier/ hofstad onder bout(er)shem te schote ende te lote te stane ghelijck me(n)/ dat met brieve(n) van bout(er)shem ald(aer) bevonden heeft Soe es ghet(er)mineert/ dat de voirs(creven) vrancke beys van sine(n) bewynde ghelden sal met die/ van meldert ende des niet te myn vanden gronde der woninghe(n)/ voirsc(reven) mits sine(n) verloven(e) met dien van bout(er)shem cor(am) lyeminghe(n)/ ouderogghe burg(imagistris) et aliis de cons(il)io martii p(ri)ma