Cont sij alle(n) liede(n) wa(n)t stoet en(de) tebat gheweest hebbe(n) tusschen ja(n)ne [art] birma(n)ne en(de) ja(n)ne/ arts va(n) m(ar)gr(iete) birma(n)s weghe(n) syns wijfs sust(er) des vors(creven) arts in deen side en(de) ja(n)ne/ den witte(n) wonechtich te quaderebbe in dand(er) side va(n) seke(re)n erfleke(n) goede(n) gelege(n)/ terpse en(de) te quaderebbe die bleve(n) sijn nae de doet jans wile(n) de re[roe]de van quaderebbe/ en(de) yde(n) sine(n) leste(n) l wive Soe sijn beide de vors(creven) p(ar)tien come(n) voe(r) scep(enen) van loven(en) ende/ sijn bleve(n) va(n) alle den vors(creven) stoete ende tebatte in segge(re)n en(de) in vriendelec yffene(re)n dats/ te weten de vors(creven) pet art birma(n) en(de) jan arts in woute(re)n vand(er) beke en(de) in reyne(re)n van/ ranshem en(de) de vors(creven) jan de witte in henr(icke) heilen en(de) gorde wevel in alsulker voeghen/ dat de vors(creven) p(ar)tien [arnt en(de) jan arnts hoe(re)n eysch en(de)] alle hoe(r) recht en(de)alle hoe(re) besceyt den vors(creven) seggher ov(er)gheve(n) dat/ sij tot de(n) vors(creven) goeden hebbe(n) moghe(n) den vors(creven) segghers in gescrifte ov(er)gheve(n) selen tussce(n)/ dit en(de) alre apostel dach [s(ente) pet(er)s dach] naest come(n)de also dat sij [de vors(creven) jan de witte sijn antw(er)den d(aer) op make(n) moghe tusschen dan en(de) alre apostelen dach d(aer) naest volghende alsoe dat de seggh(er)s ae?] hen daer op berade(n) moghen en(de) / hoe(r) segghen op dat sijs van accorde sijn bi(n)nen acht daghe(n) d(aer) nae volgende [segghen en(de) pronu(n)cier(en)] Ende soe waer/ de vors(creven) segge(re)n bi(n)nen de vors(creven) viii daghe(n) niet eens geworde(n) en conste(n) aengehoert redene/ en(de) bescheit van beiden p(ar)tien en(de) oec alsulke(n) getughenisse als sij [de selve p(ar)tien] d(aer) af v(er)hoert bege(re)n te/ hebbe(n) dat dan de selve segghe(re)n alle sake(n) die voe(r) hen come(n) sele(n) sijn bringhe(n) sele(n) voe(r)/ scepe(ne)n van lov(en) o(m)me een vo(n)niss(e) d(aer) af te halen(e) ghelijc ocht de selve p(ar)tien des mette(n)/ rechte gedingt hadden j Oec es vorw(er)de soe waer enege vande(n) p(ar)tien sijn segghe(re)n/ een ocht meer gebrake ocht niet hebben en co(n)ste dat hi dan ande(re) d(er)re gelike in die/ stat neme(n) mach sond(er) arghelist En(de) hebbe(n) geloift beide de vors(creven) p(ar)tien vast en(de) gestedich/ te houden(e) soe w wes de vors(creven) vier segghe(re)n op dat sijs van accoerde sijn segghen sele(n)/ ocht de scepen(en) va(n) lov(en) op dats de segghe(re)n niet va(n) accoerde en sijn hen voe(r) een vo(n)niss(e)/ gheve(n) en(de) leren sele(n) op een pont oud(er) gr(ooten) tot ons(er) gened(iger) vr(ouwen) behoef van brab(an)t den d(er)/ vors(creven) p(ar)tien te v(er)buerne [die] jeghen tvors(creven) seghen dade ocht ghinghe alb(us) rike junii xv