It(em) ov(er)mids des wille dat jan vand(er) motten van g(ra)nt molle comen was voe(r)/ den meye(r) van lov(en) he(re)n ja(n)ne va(n) mo(n)tenake dat jan vand(er) motten van g(ra)nt mollebais/ bedinghen w(er)t va(n) ja(n) va(n) ja(n)ne reynart [va(n) hupain] den jonghen doen over hem ghericht dat hi/ mede handadich gheweest soude hebbe(n) va(n) henr(icke) ralet va(n) geldenake doen hi vande(n) vors(creven)/ jan ter reynart den jonghe(n) ter doet bracht w(er)t Soe hadde de meye(r) va(n) lov(en) vors(creven)/ den vors(creven) ja(n)ne vand(er) motten d(aer) o(m)me te lov(en) ghevanghe(n) en(de) sprac hem ane vand(er) doet/ des vors(creven) heinr(ix) ralets in de banc voe(r) scepen(en) va(n) lov(en) alse dat hi d(aer) ane hantdadich/ en(de) medeplichtich gheweest soude hebbe(n) en(de) d(aer) af bedinge(n) ware va(n) ja(n)ne reynart vors(creven)/ den jonghe(n) vors(creven) en(de) d(aer) aen verboert hadde sijn lijf en(de) sijn goet D(aer) op dat jan vand(er)/ motten hem v(er)antw(er)de dat hi d(aer) af raets en(de) daets onsculdich ware en(de) des noeyt/ en(de) dachte noch en pey(n)sde in gheenre wijs en(de) boet des sijn onschout met sine(n) eede ten/ heileg(en) dat hi hem des nar de(n) ware te ontsculdege(n) dan de meye(r) hem op te tyen met/ sine(n) woerde(n) alsoe dat de scepen(en) va(n) lov(en) ghemaent vande(n) vors(creven) meye(r) nae aensprake/ en(de) nae antw(er)de den vors(creven) ja(n)ne wijsd(en) tot sijnre onschout de welke ontschout hi dede/ alsoe tvo(n)nisse ghewijst hadde en(de) die onschout ghedaen soe maende de vors(creven) meye(r)/ voert de vors(creven) scepen(en) die wijsde(n) voe(r) een vo(n)nisse dat hi volcome(n) ware en(de) dat hi/ met sijnre onschout soude gestaen cor(am) scoenhove(n) monte porta wijch(uyse) roel(ans) naen/ oct(obris) xxiiii