It(em) de meye(r) van lovene heeft aengesproken metten rechte in de banc voe(r) scep(enen)/ va(n) lov(en) arnde va jueten geheten van nederhem alse dat hi met fortsen en(de)/ met ghewonde een joffr(ouwe) ontschaect soude hebben jege(n) hoe(re)n wille en(de) jege(n)/ hoe(re)n danc en(de) die met ghewonde ghevuert uutden lande d(aer) op dat de vors(creven)/ arnt met sine(n) gelev(er)den voirspreke met sine(n) geswor(en) taelma(n)ne en(de) wed(er)sprac/ daensprake die de vors(creven) meye(r) gedaen hadde seggende dat hi d(aer) af ontsculdich/ ware En(de) want de meye(r) gheen w(aer)heit noch thoene(n) bi geleeght en hadde/ soe seide hi dat hi narde(r) ware he(m) d(aer) af te ontsculdeghe(n) dan de meye(r)/ hem te betyen alsoe dat de scepen(en) gemaent nae aensprake en(de) nae antw(er)de/ wijsden den vors(creven) arnde tot sijnre onschout de welke hi dede alsoec tvo(n)nisse/ ghewijst hadde alsoe dat de scepen(en) voert d(aer) op gemaent wijsde(n) dat hi/ mids sine(n) eede dien hi gedaen hadde ghestaen soude scoenh(oven) monte/ borch(oven) por(ta) wych(uyse) roel(ans) naen dec(embris) .. iiii