It(em) want stoet en(de) tebat geweest hebbe(n) tusschen ja(n)ne leeman vand(er) nuw(er)capelle(n) in deen/ side en(de) henr(icke) streecman vand(er) nuw(er)capelle(n) in dande(re) van seker lande dat de vors(creven) henr(ic)/ jeghen den vors(creven) ja(n)ne ghenome(n) hadde te wynnen ter helcht ene(n) t(er)mijn van iii jae(re)n/ die noch durende es d(aer) af dat de vors(creven) jan meynt dat de vors(creven) henr(ic) tselve lant/ niet ghewonne(n) en heeft alsoe hijt sculdich was te wy(n)nene Vande(n) welke stoete [Soe sijn beide]/ de vors(creven) p(ar)tien [des come(n) voer scepen(en) va(n) lov(en) en(de) hebben hen des ghekeert in sijn bleven]bleve(n) sijn en(de) hen ghekeert hebben in segge(re)n en(de) in vriendel(ec) yffene(re)n/ dats te wetene de vors(creven) jan in ja(n)ne vranx van zoerbeemde en(de) in henr(icke) gheerts/ van kersbeke en(de) de vors(creven) henr(ic) in willem boene va(n) zoerbeemde en(de) in ja(n)ne vande(n)/ bossche vand(er) capelle(n) in voeghen dat de vors(creven) jan en(de) henr(ic) alle hoe(re)n [eysch en(de)] bescheit ende/thonisse dat deen den ande(re)n eysschende mach sijn en(de) oec hoe(r) thonisse den vors(creven)/ segge(re)n ov(er)gheve(n) sele(n) tusschen dit en(de) sdons[d(er)]sdaegs nae chinxen naest come(n)de/ alsoe dat de vors(creven) segge(re)n opde(n) eysch en(de) thonisse beide der p(ar)tien hen berade(n)/ sele(n) en(de) hoe(re)n segghe(n) d(aer) af segge(n) en(de) utene(n) sele(n) binne(n) viii dage(n) d(aer) naest/ volghende en(de) hebbe(n) geloeft beide de vors(creven) p(ar)tien vast en(de) gestedich te houdene/ soe wes de vors(creven) segge(re)n vande(n) vors(creven) saken tussche(n) den vors(creven) p(ar)tien segghe(n)/ en(de) utene(n) sele(n) op i band(uyn) van x gul(den) en(de) op de sake verloe(re)n mer [in a] alsulk(er)/vorw(er)den [voeghen] w(er)t dat enich vande(n) vors(creven) p(ar)tien segge(re)n een ocht meer gebrake ocht/ niet hebbe(n) en conste dat dan die p(ar)tie dien sijn segge(r) aldus gebrake ene(n) ande(re)n/ gelike(n) man in die stat neme(n) mach sond(er) argelist borch(oven) por(ta) maii xxix