It(em) wilh de meye(r) va(n) lov(en) heeft aengesproke(n) in de banc te lov(en) voe(r) scepen(en)/ willeme geheten sire de pays de piet(re)hain en(de) seide dat de selve wille(m) v(er)boert/ hadde sijn lijf en(de) sijn goet tot ons(er) gened(eger) vr(ouwen) behoef va(n) brab(ant) va(n) dat hi qua(m)/ varende tussche(n) lov(en) en(de) mechle met waghene en(de) met p(er)den en(de) ald(aer) doet ghe/ vuert hadde mette(n) waghene ene(n) man gehete(n) arnt ja(n)netteal alsoe dat hi/ doet ware en(de) gestorve(n) en(de) dat boet hi te thoene(n) d(aer) op dat he(r) wille(m) v(er)antw(er)de/ en(de) seide dat hi des onsculdich ware en(de) boet d(aer) af sine(n) eer en(de) onschout/ d(aer) op dat de scepen(en) ghemaent wijsde(n) voe(r) een vo(n)nisse want de meye(r) he(m)/ thonisse v(er)mete(n) hadde dat hi thoene(n) soude en(de) dae(re)ntinde(n) recht d(aer) nae dat/ ghedaen soe seide de meye(r) dat he(m) sijn thonisse te v(er)re ware en(de) maende/ voert den scepen(en) die wijsden want de meye(r) niet thoene(n) en woude/ en(de) wille(m) onschout ghebode(n) hadde dat hi onschout doen soude Welke onschout/ hi dede alsoe tho(n)nisse wijsde en(de) w(er)t voert ghewijst vande(n) scepen(en) quite/ en(de) ongehoude(n) va(n) alsulk(er) aensprake(n) als de meye(r) te he(m) w(er)t gedae(n) hadde/ p(rese)n(ti)[b(us)] huffele ke(r)smake(re) roelants zas gruyte(re) oct(obris) xxiii