It(em) van alsulken stoete ende tebatte als geweest sijn tusschen henr(ic)/ vand(er) calstren in deen side en(de) willem van wailhain sijn wijf en(de)/ sijn swagherinne in dande(r) side van bossche gelegen tophem die/ de vors(creven) p(ar)tien te g houdende sijn [Soe hebbe(n) de vors(creven) p(ar)tien geconsenteert en(de) gewilcort voe(r) scep(enen)] datmen daer op v(er)hoe(re)n soude seke(re)/ p(er)sone ten heylgen die hoe(r) beste conde draghen en(de) tuyghen/ souden vande(n) vors(creven) bossche want deen p(ar)tie segghen woude dat/ sijn gedeelte arghe(r) wae(re) dan des and(er)s en(de) als de vors(creven) goede/ knapen verhoert wae(re)n [souden sijn] ten heylghen dat sij dan hoe(r) bescheit/ en(de) kenlencheit brenghen soude(n) voe(r) de geswoe(re)n meest(er)s vand(er)/ stat en(de) soe wes dan de geswoe(re)n meest(er)s de vors(creven) p(er)sone/ v(er)hoert ten heilgen hoe(r) conden gelijc vors(creven) es segghen ende/ t(er)mine(re)n soude(n) vande(n) selven bossche dat sij dat in beyde(n) siden/ houden souden vast en(de) gestedich dwelc de selve p(ar)tien geloeft/ hebben voe(r) scep(enen) vast en(de) gestedich te houde(n) cor(am) rike absoloens/ dec(embris) xi