It(em) de meye(r) van lovene heeft aengesproke(n) ja(n)ne de smet van meensele/ den welken hi hadde doen hachte(n) en(de) vanghe(n) segghende dat de selve jan come(n)/ soude sijn in de meyerie van halen met nachte en(de) met ontide tot eens wijfkens/ huys en(de) dat hi hoe(r) d(aer) meshandelt soude hebbe(n) jeghe(n) hoe(re)n danc en(de)/ jeghen hoe(re)n wille en(de) dat hi d(aer) aen verboert hadde alsulke(n) broeke als de/ scepen(en) wisen soude(n) dat hi d(aer) aen gebroect hadde en(de) woude hi d(aer) yet jege(n)/ segge(n) soe droech hi hem [dies] poents te gode en(de) tot sijnre eet Dair op dat de/ vors(creven) jan antw(er)de en(de) seide dat hi des onsculdich ware vand(er) aensprake(n) die/ de meye(r) te hem w(er)t gedaen hadde en(de) boet d(aer) voe(r) eet en(de) onschout alsoe/ dat de scepen(en) d(aer) op ghemaent wijsden voe(r) een vo(n)nisse nae aensprake/ en(de) antw(er)de want de vors(creven) jan onschout boet dat hi sijn onschout doen/ soude en(de) d(aer) mede gestaen dwel de welke onschout de vors(creven) jan dede/ gelijc alse de scep(enen) gewijst hadde(n) d(aer) op dat de scepen(en) voert ghemaent/ ocht hi volcome(n) wae(re) nae den eede dien hi gedaen hadde wijsden dat/ hi wale volcome(n) ware (et)c(etera) albus huffele porta ponte potsuynsb(er)ge/ aug(usti) vi