Cont sij allen lieden dat jan brant he(re) van aza es comen in jege/ wordich(eit) d(er) scepen(en) van lovene en(de) heeft bekent dat hi wettelec/ vercocht heeft rase van grave(n) he(re) van malevien meye(r) van lov(en)/ alle thout eyken opgaende [hout] en(de) scaerhout. staende op ix(½)/ boend(er) boschs gheleg(en) bove(n) thuys te vaelbeke ten wuwe(re)/ ghehete(n) den steenb(er)gh gheleg(en) tusschen dlant datme(n) heet/ reyslant en(de) den bosch diemen heet scuerbosch uutgesceden/ late eyken van tween houwen die sal de vors(creven) jan brant behoude(n)/ o(m)me ene(n) seke(re)n prijs daer af dat de vors(creven) jan heeft bekent/ dat hem vanden vors(creven) raese volcomel(ec) gnoech geschiet es/ En(de) es te wete(n) dat de vors(creven) raes tvors(creven) bosch sal doen houwe(n)/ en(de) ruyme(n) van uutgaende mey naest come(n)de binne(n) v jae(re)n/ d(aer)nae volg(ende) tot sine(n) scoensten en(de) p(ro)fite behoude(n) dien dat/ de selve raes deyke(n) die d(aer)op blive(n) selen bove(n) de vors(creven) vijf/ jaer dat die staende selen blive(n) en(de) moge(n) een jaer d(aer) nae/ sond(er) argelist en(de) hier af heeft geloeft de vors(creven) jan brant/ den vors(creven) raese vande(n) vors(creven) coepe jegen ene(n) yegelike(n) wara(n)t/ te sine en(de) hem den vors(creven) bosch peyslec en(de) vredel(ec) te doen gebruyke(n)/ van alle(n) co(m)me(r) en(de) laste d(aer) uutgaende pots(uysberghe) hoech(et) no(vem)[br(is)] xxiii