It(em) joffr(ouwe) vrouwe gheertruyt [vand(er) calste(re)n] meest(er)sse vanden godshuyse vand(er) banc [bi lov(en)]he en(de)/ de momboe(re)n des selfer [gods]huys hebben ghegeve(n) en(de) bekent dat sij ghegeve(n)/ hebben ja(n)ne lambrechts sone vranx lambrechts van wencsele hoe(r) hof/ ghelegen te wencsele [meerbeke] mette(n) wynnende lande beemde euselen thienden en(de)/ allen sine(n) toebehoerte(n) Te houden te hebben ende te wynne(n) van halfm(er)te/ naest voerleden ene(n) termijn van xii [jae(re)n] deen nae dand(er) d(aer) nae staphans/ volgende op de wo voerw(er)den en(de) condicien hier nae bescreve(n) Dats/ te weten de vors(creven) wynnende lande en(de) thienden elx jaers den vors(creven) t(er)mijn/ duer(ende) o(m)me lxii mudde rox [en(de) twelf mudde gherste(n) elx corens] goet en(de) payabel d(er) maten van lovene/[met wa(n)ne en(de) met vede(re)n wel bereit] te sente andries misse apostels te betalen en(de) te lov(en) ocht t(er) banc daert/ mijn vrouwen vors(creven) ghenuege(n) sal te levere(n) en(de) telken t(er)mine als v(er)volghde/ schout Ite(m) sal de vors(creven) wynne den v [hebben] alle jae(re) den vors(creven) termijn duer(ende)/ de vors(creven) beemde en(de) o eeusele op [om] xii mott(oene) te weten xxxiiii l(i)b(ra)/ pay(ments) voe(r) twee mott(oene) gherekent te sente m(er)tens misse inde(n) wynt(er) te/ betalen als v(er)volghde schout Ite(m) sal de vors(creven) wynne de grechte vande(n)/ beemden en(de) [eeusele] laete(n) ten eynde van sine(n) t(er)mine alsoe hise vint in sine(n) income(n)/ te weten iii voete wijt en(de) ii(½) voet diepe Ite(m) sal mijn vrouwe vors(creven)/ alle jae(re) hebben half terdel vande(n) oefte inden bogart al d(aer) wassende en(de)/ dat [sal de wynne] ter erden levere(n) en(de) mijn vrouwen hoe(r) derdendeel thuys vueren/ It(em) sal de vors(creven) wynne alle jae(re) mijn vrouwen vors(creven) houden twee verkene/ ghelijc sine(n) lijfverkene(n) Item sal de vors(creven) wynne mijn vrouwen vors(creven) halen/ op hoe(r) moer te haeght een half last torve? en(de) daer voe(r) mach de/ vors(creven) wynne oec aldaer doen steken en haf last torve op sine(n)/ cost Oec sal de vors(creven) wynne alle jae(re) betalen allen den co(m)mer en(de) tsijs/ gaende uut den vors(creven) goeden sond(er) afslach vand(er) vors(creven) so(m)men en(de) den/ he(re) van rotselaer houde(n) houden over tijt enen hont It(em) sal de vors(creven) wynne/ alle jae(re) sine(n) t(er)mijn duer(ende) opde vors(creven) huysinghen doen verdecken vijftich/ mandelen walme(n) op sine(n) cost
//
Item sal de vors(creven) wynne alle jae(re) hebben van henr(icke) van schore th/ i(½) mudde evene(n) en(de) soe waer de vors(creven) henr(ic) hem die niet en/ betaelde soe salse mijn vrouwe vors(creven) hem selve betale(n) It(em) sal/ mijn vrouwe vors(creven) den vors(creven) wynne alle jae(re) d copen xv ma(n)delen/ bolsters It(em) sal de vors(creven) wynne alle jae(re) sette(n) op de vors(creven) goede/ xx pote Oec soe mach de vors(creven) wynne houwen op de vors(creven)/ goede alle goede hout uutghescheiden opgaende hout It(em) sal/ de vors(creven) wynne oec betalen alle jae(re) iiii mol(evate) corens d(er) pyta(n)cie(n)/ vanden vors(creven) godshuyse van ene(n) stucsken lants ghelege(n) op de wam/ beys streke Item sal de vors(creven) wynne ten eynde vande(n) vors(creven) t(er)mine/ de vors(creven) lande laete(n) alsoe hise vint in sine(n) income(n) dats te wete(n)/ twelf boend(er) en(de) drie dachmael besaeyt met wynt(er)coerne op viere/ tideghe voren en(de) x boend(er) ghestort Item es voerw(er)de dat mijn/ vrouwe en(de) de wynne vors(creven) op dat hen beyden ocht den ene(n) van [hen] ghe/ nueght ten halven tide vanden vors(creven) t(er)mine s deen vande(n) ande(re)n/ sceyden moghen [en(de) dat sal deen den ande(re)n een jaer te voren segghen] It(em) es oec ond(er)sproken dat de vors(creven) wynne tcoren/ comende van drien boende(re)n lants ghelege(n) tusschen wencsele en(de) velthe(m)/ sal moghen vuere(n) te wencsele in sijn huyse en(de) die sal drie boend(er)/[lants] sal de wynne vors(creven) tweew(er)ven meste(n) binne(n) den vors(creven) t(er)mine en(de) de/ helcht vanden [corne van] vii dachmalen die wae(re)n jans van velthem sal de vors(creven)/ wynne moghen vuere(n) in sine(n) lesten(n) jae(r) d(aer) hi wilt It(em) ghevielt alsoe/ dat de vors(creven) wy(n)ne binne(n) sine(n) vors(creven) t(er)mine scade hadde ocht lede van/ tempeeste ocht va(n) ghemeine(n) orloghe d(aer)af soude hem mijn/ vr(ouwe) rastoer doen gelijc ande(r) he(re)n hoe(re)n wynne(n) bove(n) en(de) benede(n)/ doen selen hier af sijn borghen des vors(creven) jans als p(ri)ncipael/ sculde(re)n ongesund(er)t en(de) ongeschede(n) en(de) elc voe(r) al vranke la(m)brechts/ sijn vad(er) vors(creven) mathijs hoeve va(n) wackersele (et) pet(er) wasschart/ de wenczele (et) p(ri)[(us)] quaderebbe boxh(oeren) maii xi