It(em) van alsulken twiste en(de) dedinghe(n) als opghestaen was tusschen arde va(n) voerspoele dieme(n) heett/ coff(er)make(re) in deen syde en(de) h(er) woute(re)n eveloghe priest(er) in dand(er) syde als van ene(n) vierdeel wigards/ gheleghe(n) opte(n) nuwen roesselberch den welke(n) wigart de voers(creven) h(er) wout(er) jeghe(n) den voers(creven) arde/ ghecocht soude hebben Soe sijn come(n) de voers(creven) arnt en(de) h(er) wout(er) voer scepen(en) van lovene en(de)/ sijn des gansellec bleven in segghe(re)n en(de) vriendelec yffene(re)n te wetene gu [in] roelof van redinghen en(de)/ gheerde hanewijc die de voers(creven) arnt daer toe ghecore(n) heeft en(de) in jose absoloens en(de) stasse goer/ laken vande(n) voers(creven) h(er) woute(re)n daer toe ghecoren en(de) hebben gheloeft de voers(creven) p(ar)tijen vast en(de) ghestede/ te houden soe wat de voers(creven) vier segghe(re)n of de drie van hen daer af eendrechtelec segghe(n) en(de) p(ro)nu(n)/ cieren selen En(de) selen de voers(creven) segghe(re)n haer segghen hier af uten en(de) p(ro)nu(n)cieren [voe(r) scepen(en) van lovene] tusschen dit en(de) sinte pet(er)s/ dach ad cathedra(m) naest comende op dat sijs hierenbinne(n) eens en(de) van accorde sijn en(de) soe waer sijs niet/van accorde en waren dat dan d(aer)af ov(er)ma(n)ne sijn selen wout(er) py(n)noc co(m)moengimeest(er) van lovene en(de)/meest(er) gielijs rogghe deken der kerken sinte pet(er)s te lovene welke ov(er)ma(n)ne haer segghen daeraf
//
segghen selen binne(n) acht daghe(n) daer nae sond(er) middel volghende Met vorw(er)den dat de voers(creven) seggh(er)s hieren/ binne(n) de voers(creven) p(ar)tijen en(de) oec de goede liede die ov(er) de comenscap waren hier op verhoren selen ten hey/ leghen de welke hae(r) eede doen selen te weten de ghene die prieste(re)n sijn voe(r) den deken en(de) capitel va(n)/ sinte pet(er)s te lovene en(de) de leeke voe(r) dwerlike ghericht en(de) dat ghedaen selen hen de voers(creven) segghers/ beraden met den reenghenote(n) vande(n) voers(creven) wijngarde o(m)me te bat te wetene wat die wijngart weert/ es en(de) es oec vorwerde [soe] waer enich vande(n) voers(creven) seggh(er)s hem des niet ond(er)winden en [woude] ocht en mochte/ dat die p(ar)tije die dien ghecoren hadde enen ande(re)n wed(er) kiesen en(de) in sine stat setten soude En(de) soe wat/ dan de voers(creven) segghers hier af segghen selen dat hebben de voers(creven) p(ar)tijen gheloeft vast en(de) ghestede/ te houden en(de) te voldoene sond(er) arghelist ghelijc voers(creven) es rike absoloens febr(uarii) v[a]