Cont sy allen liede(n) dat want stoet en(de) dedinge geruert en(de) opgestaen wae(re)n tusschen ja(n)ne/ coman in deen side en(de) ja(n)ne corneke(n) in dand(er) side alse van seke(re)n erfleken goede(n) comende en(de)/ verstorve(n) van wilen jouffr(ouwe) yden van rode beghine die moye was jouffr(ouwe) yden wilen wijf/ jan cornekens en(de) moed(er) jouffr(ouwe) yden die wijf es des vors(creven) jan coma(n)s te wete(n) van ene(n) huyse/ en(de) hove met sine(n) toebehoerte(n) gelege(n) in de nuwest(ra)te dat voertijts willems van boegarde/ was en(de) van seke(re)n erfleke(n) chijnse binne(n) loeve(n) gelege(n) Daer af dat de vors(creven) p(ar)tyen sijn/ come(n) voe(r) scepen(en) van loeve(n) ende hebben hen des gekeert en(de) geco(m)p(ro)mitteert in vriendelec/ iffeners ende segg(er)s te weten(e) in janne vanden huffle co(m)moing(emeester) van loeve(n) woute(re)n pynnoc/ joese absoloen en(de) gheerde vanden steene clerc der stat van loeve(n) en(de) hebben gelooft vast/ en(de) gestede te houde(n) soe wat de vors(creven) iiii segge(re)n daer af eendrechtichlec segge(n) en(de) p(ro)nu(n)cie(re)n/ selen Soe eest dat de vors(creven) vier segge(re)n sijn come(n) voe(r) scepen(en) van loeve(n) hier nae bescreve(n)/ ende hebben eendrechtichlec geseeght geutent en(de) ghep(ro)nu(n)tieert hoe(r) segge(n) vanden sake(n)/ en(de) tusschen de p(ar)tyen vors(creven) inder maniere(n) hier nae volghende Inde(n) yerste(n) dat de vors(creven) jan/ coma(n) de vors(creven) goede beyde huyse ende chijns hebben en(de) aenverden [en(de) heffen] sal te kerssavonde naest/

comende en(de) van dan voertae(n) behoude(n) te wete(n) tvors(creven) huys te sente andries misse naest/ comende dat hem dan de vors(creven) jan corneke(n) rume(n) ende leve(re)n sal en(de) den vors(creven) chijns/ te k(er)ssavonde daer naest volghende ende dat de de selve jan coma(n) de vors(creven) goede beyde huys/ en(de) chijns van dan [nu] voertae(n) alle jae(re) hebben en(de) heffen sal ene(n) t(er)mijn van ses jae(re)n en(de) een/ half staphans sond(er) middel volghende by alsoe Ite(m) dat de vors(creven) jan corneken den vors(creven)/ ja(n)ne coma(n) en(de) sine(n) wive goede vesticheit [en(de) bewissenisse] doen sal w(aer)t alsoe dat de vors(creven) jan corneke(n) binne(n)/ desen vors(creven) t(er)mine van live t(er) doet q(ua)me dat dan de vors(creven) jan coma(n) en(de) sijn wijf aen alsulke/ goede als hen jan corneke(n) bewisen sal alle jae(re) de werde vand(er) huere(n) vande(n) vors(creven) huyse/ chijnse en(de) dies heffen en(de) hebben sal en(de) oic tvors(creven) huys heffe behoude(n) sal den vors(creven) t(er)mine/ dueren(de) Ende dat nae den vors(creven) t(er)mine van vi(½) jae(re) de vors(creven) jan corneke(n) en(de) jan coma(n) de/ vors(creven) goede beyde huys en(de) chijns ond(er) hen beyden te gelike half en(de) half hebben en(de) heffen/ selen alsoe lange als de vors(creven) jan corneke(n) leve(n) sal en(de) jan coma(n) sal den chijns betale(n)/de uut den vors(creven) huyse gaende den vors(creven) t(er)mine dueren(de) Ite(m) dat de voers(creven) jan coman/ en(de) joffr(ouwe) yde sijn wijf staphans nae doet jan cornekens voers(creven) de voers(creven) goede huys en(de) tsijs/ gheheellec en(de) al hebben en(de) behouden selen tot eweliken daghen Welc segghen voers(creven) jan/ corneken voers(creven) in deen syde en(de) jan coman en(de) joffr(ouwe) yde sijn wijf docht(er) jan cornekens vors(creven)/ in dand(er) syde hebben gheloeft vast en(de) ghestedich te houdene tot eweliken daghen rike b(er)them/ anno m[mo] cccc[mo] septo novembr(is) sexta