Cont sij allen liede(n) die dese l(ette)ren sele(n) sien en(de) ho(r)en lesen dat h(er) jan/ coenraet p(ri)oer van bierbeke es come(n) in jegew(or)dich(eit) d(er) scepen(en) va(n)/ loven(en) en(de) heeft gheg(even) en(de) bekendt dat hi gheg(even) heeft van des/ goidshuys wege(n) va(n) sente nychasi[(us)] va(n) ryeme(n) gielise troyon/ va(n) ha(m)me de woni(n)ge des vors(creven) godshuys va(n) sente nychas(ius) gelege(n)/ te ha(m)me met de(n) lande en(de) beemde(n) daer toehoe(re)nde ghelijc dat/ heinr(ic) va(n) antw(er)pen en(de) joffr(ouwe) maghtelt sijn wijf die goede te/ houde(n) plaghen Te houden te hebbe(n) en(de) te wynne(n) va(n) half/ meye naest come(n)de ene(n) termijn va(n) ix jae(re)n deen nae dand(er)/ d(aer) nae staphans volgende alle jae(re) den vors(creven) termijn duer(ende)/ o(m)me xxx oude schilde va(n) goude goet en(de) gheve ocht de w(er)de/ d(aer) af deen helft te kerssmisse en(de) dand(er) helcht te sente ja(n)s/ misse bap(tis)[ten] te betale(n) alle jae(re) den vors(creven) termijn duer(ende) en(de)/ telken t(er)mine als vervolghde schout En(de) es te wete(n) dat de/ vors(creven) gilijs [van] dee(n) vors(creven) xxx oude schilde va(n) jae(re) te jae(re) en(de)/ va(n) t(er)mine te t(er)mine betale(n) sal de vors(creven) xxx oude schilde/ betalen sal pete(re)n boxho(r)en gord boxho(r)ens sone was die hi/heeft op de vors(creven) goede va(n) ha(m)me twee pont oud(er) groete/ alsulx gelts als de stat va(n) bruess(el) ocht de stat va(n) dieste/ jaerlex betaelt hoe(re)n pensionar(isen) va(n) lijftochte(n) alsoe dat/ de(n) vors(creven) h(ere)n janne noch den goidshuyse d(aer) gheen schade af/ en come En(de) w(aer)t dat d(aer) af cost schade ocht last quame/ va(n) betalinge(n) pete(re)n vors(creven) te doene die schade en(de) last soude/ gielijs op sine(n) cost draghe(n) Ite(m) es te wete(n) dat de vorscr(even)/ gielijs de vors(creven) lande vindt bloet en(de) alsoe sal hijse laete(n)/ ten eynde va(n) sine(n) t(er)mine en(de) de selve gielijs sal de vors(creven) la(n)de/ eens binne(n) de(n) vors(creven) t(er)mine wel en(de) loeflec [over]meste(n) gelijc sine(n)/ reenghenote(n) bove(n) en(de) benede(n) Ite(m) sal de vors(creven) wynne(n) jaerl(ex)/ gheve(n) vi rinsche gulden(en) va(n) goude goet en(de) gheve sond(er)/ afslach vand(er) vors(creven) so(m)men tot behoef vande(n) groete(n) honde(n)/ sh(er)toge(n) va(n) brab(an)t en(de) i(½) gul(den) tot d(er) cleynre honde behoef/ mijns he(re)n vors(creven) Ite(m) sal de vors(creven) wynne de(n) [meyer vorste(r) en(de)] scepen(en) van/ ha(m)me jaerlex gheve(n) iii maeltide op sine(n) cost
//
Ite(m) sal de vors(creven) wynne de huyse en(de) de wande vande(n) vors(creven) hove/ houde(n) den vors(creven) t(er)mijn duer(ende) va(n) wande en(de) van dake in goede(n)/ state [va(n) oud(er) ty(m)meringe(n)] ende w(aer)t dat hem houdt ghebrake aen de vors(creven) huyse/ met te maken dat hout sal hem de vors(creven) p(ri)oer leve(re)n op/ den vors(creven) bosch ghevelt en(de) d(aer) saelt de wynne doen hale(n)/ op sine(n) cost en(de) viel d(aer) enich huys ter ned(er) dat soude de/ p(ri)oer doen make(n) op sine(n) cost maer Ite(m) sal de vors(creven) wy(n)ne/ de vors(creven) beemde ten eynde van sine(n) t(er)mine laete(n) bethuynt/ en(de) bevreedt wel en(de) loeflec en(de) va(n) jae(re) te jae(re) ryolen en(de)/ vaeghen ghelijc sine(n) reenghenote(n) en(de) dlant laete(n) ghegrecht/ en(de) bevreedt ter st(ra)ten gelijc sine(n) reenghenote(n) alsoe dat den/ p(ri)oer d(aer) af gheen scade en? ghescie en(de) alle truncboeme mach/ de vors(creven) wynne truncke(n) van iii jae(re)n te iii jae(re)n o(m)me de/ goede mede te bevrede(n) en(de) w(aer)t dat d(aer) enighe(n) boem v(er)droeghde/ ocht ter ned(er) viele en(de) uutwayde die soude de vors(creven) wynne hebbe(n)/ en(de) d(aer) voe(r) ii leve(n)de pote vande(n) selve arnde wed(er) sette(n) Item/ sal de vors(creven) wynne te sine(n) leste(n) jae(re) de brake omdoen op een vo(r)e/ en(de) (½) boend(er) op ii vo(r)en It(em) en mach de vors(creven) wynne de vors(creven)/ lande binne(n) den vors(creven) t(er)mine niet hoervrochte(n) mac maer hi/ maecht uutgheve(n) op ene(n) pacht va(n) coerne sond(er) hoervrochten/ in dien dat blive ten leste(n) jae(r) ghelijc vorscr(even) es Ite(m) soe en sal/ de vors(creven) wynne gheen recht hebbe(n) in tvors(creven) bosch maer hi mach/ sijn beesten drive(n) en(de) doen op de heyde bute(n) boschs alsoe dat/ den selve(n) p(ri)oer aen sijn bosch gheen s ghe scade en(de) gheschie Ite(m) sal/ de vors(creven) wynne doen maken iii valveken aen tvors(creven) bosch als/ te doene es op sine(n) cost en(de) de p(ri)oer sal hem thout leveren/ En(de) alle dese vors(creven) vorw(er)de(n) [en(de) geloefte(n)] hebbe(n) gheloeft de vors(creven) p(ri)oer van/ svors(creven) cloest(er)s weghen in deen side en(de) gielijs in dande(re) malc/ ande(re)n vast en(de) ghestadich te houde(n) en(de) te voldoene talle(n) tide(n)/ en(de) t(er)mine(n) als sij vallen en(de) v(er)schine(n) sele(n) telke(n) t(er)mine als v(er)volghde/ schout Hier af sijn borghen des vors(creven) gielijs [als p(ri)ncipael] abeert van troyon/ brued(er) des vors(creven) gielijs heinr(ic) de fraine swag(er) d(er) vors(creven) gebruede(r)/ en(de) woutelet sone gielijs le cordir de ha(m)me (et) p(rim)[(us)] rogghe/ b(er)them f(er)ia t(ertia) p(ost) q(uas)i mo(do)