Cond sy allen lieden dat jan vander coute(re)n van cortelke by rode is comen in yegewordicheit der/ scepen(en) van lovene en(de) heeft ghegheve(n) en(de) bekent dat hi gheg(heven) heeft henricke(n) vander coute(re)n sine(n) natuer/ like(n) sone syne goede [te wete(n) huys][en(de) hof geleg(en) ind(er) p(aro)c(hie) va(n) rode] gheleghe(n) te [inde p(ro)chie va(n)] rode ende van cortelke in huse(n) hove(n) winne(n)den lande in beyde de/ voers(creven) p(ro)chien geleghe(n) te houdene en(de) te hebben te winne(n) ter helecht te winne van half meye naest/ comende ene(n) t(er)mijn va(n) vi jae(re)n deen nae dander daer nae sond(er) middel volghende elcs jaer/daer en bi(n)ne(n) in welke huys voers(creven) de voers(creven) jan behoude(n) en(de) hebben sal sine(n) leefdaghe lanc[desen t(er)mijn durende] een/ came(re) en(de) ene(n) sulder daer bove(n) te sine(n) wille It(em) sal de voers(creven) henric tduyfhuys aldaer houden/ van wende en(de) van dake en(de) van des daer toe nay[e]t es alsoet daert gheleghen es ende de duve(n)/ daer af esen en(de) vuden sond(er) jans cost en(de) de duve(n) daer af selen alle jae(re) de voers(creven) jan en(de) henric/ hebbe(n) en(de) deyle(n) half en(de) half It(em) dwater ofden wuwer aldaer sal de voers(creven) henric rume(n) en(de) veghe(n)/ en(de) houden en(de) de vissche wete(re)n en(de) esen sonder jans cost me[a]r alle de vissche vanden selve(n) wate(re) selen/ de voers(creven) jan en(de) henric deylen en(de) hebbe(n) half en(de) half It(em) sal de voers(creven) henric alle jae(re) leve(re)n xvi/ mandelen walme(re) de husinghe daer mede te houden En(de) alse de voers(creven) walme(re) aldaer verdect werden[me(n) daer aen de voers(creven) husi(n)ghe dect ocht plect]/ soe sal de voers(creven) jan [henric] den cost doen den wercliden en(de) jan sal de dachhuere(n) gheve(n) It(em) alse tcoren/ op tvelt tijtverdich es en(de) inden bant dan salme(n) op tvelt deyle(n) en(de) de voers(creven) henric sal den/ voers(creven) jan sijn deel inde schure aldair leve(re)n en(de) alt tassen [eer hij tsine vueren sal] En(de) alse de voers(creven) jan daer doet dorssche(n)/ soe sal de voers(creven) henric de(n) wercli[e]de(n) den cost doen en(de) jan voers(creven) sal de dachhuere(n) betale(n) en(de) daer/ voer sal henric voers(creven) den afval hebben It(em) heeft [sal] de voers(creven) jan gheghev(en) henricke(n) sine(n) sone [hebben] v dachmael/ eusels gheleghe(n) te cortelke int greve(n) broeck gheleghen des sal de voers(creven) henric sine(n) den voers(creven) jan betale(n)/ x hollan(sche) gul(den) tussche(n) sinte m(er)tens misse en(de) kersavont ghelij als vervolghde scout alsoe langhe alse/ de voers(creven) t(er)mijn durende es Item sal de voers(creven) jan gheve(n) den voers(creven) henricke(n) ii coey en(de) i perdt/vande(n) welken de voers(creven) henric den voers(creven) jan betalen [sal] bi(n)ne(n) drie jae(re)n xviii gul(den) hollan(sche) elcs jaers/vi gul(den) altoes tussche(n) sinte m(er)tens misse en(de) ke[r]ssavont te betale(n) It(em) sal de voers(creven) henric allet tstroe/ vande(n) voers(creven) lande comende te meste maken en(de) weder op dlant vuere(n) Ende de voers(creven) lande/ wel mesten en(de) winne(n) ghelijc sine(n) reghenoten Ende sal de voers(creven) henric v(½) dachmael lands besayt/ laten met rogghe en(de) ii boender somercore(n) lants bereet laten altemael toten sayen toe en(de) vii/ dachmael lants [braken] sal henric voers(creven) [dbraekelant] eens gheereyt late(n) It(em) sal de voers(creven) henric alsoe vele mest als hij/ nu t(er) tijt vijnt in tvoers(creven) hof laten te sine(n) afscheyden It(em) sal henric voers(creven) den voers(creven) jan sijn coren/ leve(re)n soe wae(r) hij wilt binne(n) der milen van daer en(de) allet hout of berni(n)ghe sal henr(ic) voers(creven)/ oec den voers(creven) jan leve(re)n binne(n) der milen soe waert den voers(creven) jan best genueght of waer hij/ woenneftich es Oec sal henric voers(creven) alle de grechten en(de) beken veghen en(de) houden ghelijc/ sine(n) reghenoten alsoe verre als hijt goet onder heeft sonder jans cost Hier af sijn borghe(n)/ des voers(creven) henr(ix) tamq(uam) p(ri)n(cipa)[les] debi(to)[res] ind(ivisim) arnt vanden ast joh(annes) vander hulst g a(m)bo de rode/ go(defri)[d(us)] vande(n) velde van cortelke dwe de welke de voers(creven) henr(ic) heeft gheloeft scaeloess tontheff(en)/ porta juede ap(ri)lis xxix[a]