SAL7307, Akte: R°284.1 (103 van 197)
Akte R°284.1
Act
Datum: 1411-02-27
Transcriptie
2016-09-14 door Marijke GevaertCond sij allen lieden dat jan houtappel en(de) lijsbeth [van artsloe] dochter gords wilen van artsloe/
met henric van artsloe hae(re)n oem [en(de) hae(r)en mo(m)boe(r) haer weert] sijn come(n) voe(r) scepen(en) van lovene en(de) hebben gemaect/
ghewillecort ov(er)dragen en(de) geconsenteert alse van haerre beyder erve(n) gelegen neven/
een inde borchstrate buten der binnen porten vander stat de vorw(er)den en(de) punten hier na/
bescreven Inden iersten dat de voirs(creven) jan op sine hofstat aldaer gelegen tusschen sijns/
selfs huys en(de) thuys der voirs(creven) lijsbetten sal mogen ty(m)meren en(de) met sijnre ty(m)meringen/
varen inde want der voirs(creven) lijsbetten vander straten achterw(er)t alsoe lange alse de dwerse/
loge der voirs(creven) lijsbetten strect alsoe dat hi sine ty(m)meringe mach b(re)nghen en(de) stellen op/
den mure vand(er) voirs(creven) logen en(de) sine ande(re) ty(m)meringe opw(er)rt boven den voirs(creven) muer palmen/
hechten en(de) vesten aen en(de) [inde] ty(m)meringe der voirs(creven) lijsbetten alsoe hoge en(de) also verre alse/
de voirs(creven) want vander logen gedreeght Behoudelec dien soe wat de voirs(creven) jan inde/
voirs(creven) want brake dat hi dat soude weder maken sonder lijsbetten cost En(de) oec alsoe/
dat de voirs(creven) jan sijn huys dat hi daer van nuws meynt te setten alsoe make(n) sal dat/
der voirs(creven) lijsbetten aen haer huys noch aen haer ty(m)meringe aldaer gheen letsel/
noch scade [daer af] en come noch comen en sal te gheenre tijt En(de) dat mids desen de vors(creven)/
want van onder tot boven beyde steynen en(de) ander alse v(er)re alse de voirs(creven) loge gedreeght/
voert aen tusschen hen beyden ghemeyn sal sijn en(de) op gemeyne(n) cost ghehouden werden/
tot eweliken daghen En(de) dat de voirs(creven) lijsbeth voert aen hebben en(de) behouden sal hae(re)n/
waterval [va(n)der wate(r)] dat comen sal van hae(re)n huse beghinnende aen de voirs(creven) loge en(de) alsoe acht(er)w(er)t/
alsoe v(er)re als hae(r) huys strect te vallen op derve des voirs(creven) jans ter breydden van/
ene(n) halven voete buten hae(re)n muer op derve jans voirs(creven) alsoe dat sij hae(re) steyne(n) gote/
liggende aldaer op hae(re)n muer mach afdoen en(de) haer kepe(re)n lengen en(de) alsoe haer/
water leyden o(m)me te vallen buten hae(re)n muer ter breydden van enen halven voete/
op derve des [vors(creven)] selfs jans gelijc voirs(creven) es Bi alsoe dat de vors(creven) lijsbet bute(n)/
hue(re)n muer te jans vors(creven) erve w(er)t ghenen watersteen leggen noch stellen/
en mach noch niet meer recht hebben en sal dan alleen den voirs(creven) wat(er)val/
t(er) breydden van ene(n) halven voete als voirs(creven) es Welken punte(n) en(de) vorw(er)den/
voirs(creven) de voirs(creven) jan houtappel in deen side en(de) de voirs(creven) lijsbet met hae(re)n mo(mb)oe(r)/
in dande(r) voirs(creven) hen en(de) voer hae(r)re erfgenamen en(de) nacomelinge(n) hebbe(n) geloeft/
malcande(r) vast en(de) ghestede te houden en(de) daer af altoes genoech te doen/
alsoe dat elke(r) vande(n) voirs(creven) p(ar)tyen en(de) hae(re)n nacomeli(n)ge(n) tot ewelike(n) dage(n)/
vast en(de) sek(er) sal sijn hier wae(re)n over mychiel van potsuynsb(er)ge en(de) henric/
de juede scepen(en) van loven(en) Dit gesciede int jae(r) ons he(re)n datn me(n) screef/
dusent vierhond(er)t en(de) x opt [op] den lesten dach sond(er) eyn een in febr(uarii) /
Nagekeken door: Marijke Gevaert , Marijke Gevaert
Moderator: Lieve Van Hoestenberghe
Laatste update:: 2015-01-16 door Jos Jonckheer