Ite(m) want stoet en(de) tebat geweest heeft tussche(n) joffr(ouwe) kat(lijn) va(n) ov(er)beke/ die wijf wijlen was anthonijs vande(n) hofack(er) in deen side en(de) henric/ oem van beetse in dande(r) side van eenre hueringe(n) van v dach(mael)/ beemts die de vors(creven) joh joffr(ouwe) kat(lijn) (et) anthonijs wile(n) hoe(r) man/ den vors(creven) henr(icke) oem verhuert soude(n) hebbe(n) gelegen(n) te beetse inde(n)/ ertwech Soe sijn beide de vors(creven) p(ar)tien come(n) voe(r) scep(enen) va(n) lov(en)/ en(de) sijn vande(n) vors(creven) stoete bleve(n) in segge(re)n en(de) in vriendel(ike) yffene(re)n te/ wete(n) de vors(creven) joffr(ouwe) kat(lijn) in henr(icke) arnts en(de) ja(n)ne va(n) glabbeke en(de) de vors(creven) henr(ic) oem in ja(n)ne mons en(de) in ja(n)ne h(er)ma(n)s En(de) hebben/ geloeft beide de vors(creven) p(ar)tien vaste en(de) gestedich te houde(n) soe wes/ de vors(creven) segge(re)n hier eendrechtichlec seggen sele(n) por(ta) y abs(oloens) in die/abs(oloens) innocentiu(m) Dit es tsegge(n) d(er) vors(creven) segg(er)s dat sij liever hadden den/tijt alse vande(n) vors(creven) beemde die de vors(creven) henr(ic) oem gehuert hadde jeghe(n)/ den vors(creven) anthonise en(de) kat(lijne) sine(n) wive en(de) dien hi niet uutgebruken en mochte/ mids letsel dat henr(ic) p(er)soens den selve(n) henr(icke) [oem] dede alsoe dat [de de segg(er)s] sij dien tijt dat/ henr(ic) oem dien beemt niet gebruyke(n) en mochte groetschen en(de) sette(n) op/ ii(½) holl(ands) gul(den) die de vors(creven) kat(lijn) den vors(creven) henr(icke) gelde(n) en(de) betale(n) sal tussche(n)/ dit en(de) s(int) pauwels daghe naest comende als vervolghe en(de) hier mede segge(n)/ de vors(creven) segg(er)s de vors(creven) p(ar)tien malc jege(n) ande(re)n v(er)yffent en(de) geslete(n) vande(n) stoete/ vors(creven) k(er)smak(ere) porta in die inno(centiu)[m]