Item arnt van redinghen henric absoloens ende roelof van redinghen hebben ghe/ loeft in jeghenw(or)dicheiden beyder co(m)moingemeest(ere)n Te weten jans vanden huffle/ en(de) jans vander brugghen daer de stat in hae(re)n radde vergadert was en(de) daer oec/ bi wae(re)n als scepen(en) van lovene gielijs de rike wout(er) pynnoc mychiel van pots(uynsberge)/ en(de) henric de juede dat goert van redinghen en(de) jan de kalfsteker diemen heet/ van rotselaer bliven selen inde vroente in alder manie(re)n dat sij nu sijn en(de) dat/ nyeman van hae(re)n vrienden noch maghen tot hen comen en sal noch besueken in/ gheenre manie(re)n tot sente jans daghe bapt(isten) naest comende en(de) dien dach al/ en(de) hebben so claerlec tot dien daghe verantwart dat si daer bliven selen gheva(n)ghen/ in alder manie(re)n dat si nu sijn sonder in voirgher manie(re)n van daer geholpen/ te w(er)den of van daer te scheiden alle arghelist uut ghescheiden Dit gheschiede des/ sat(er)sdaeghs xx daghe in junio p(rese)nt(ibus) ut sup(ra) p(rese)nte etia(m) d(omi)no de heverlis