Item arnt van redinghen roelof van redinghen en(de) willem lombart hebben voert/ verantw(er)t van desen daghe voert tot op satersdaghe naest comende en(de) dien dach/ al de voirs(creven) goerde van redinghen en(de) janne calfsteke(re) en(de) hebben ghedaen alle/ de selve gheluften die de voirs(creven) arnt en(de) roelof van redinghen en(de) met hen henric/ absoloens en sat(er)sdaghe lest leden te weten xx daghen in junio voir de voirs(creven)/ goerde van redinghen en(de) janne calfsteke(re) gedaen hebben ghelijc en(de) in alder selver/ manie(re)n dat hier boven in dese selve cedule es verclaert Dat gheschiede op sente/ jans dach o(m)trent noene daer bi en(de) aen wae(re)n jan vanden huffle co(m)moingimeest(er)/ en(de) scepe(n) van loven(e) en(de) jan h(er)tshals scepen va(n) loven(e) en(de) joh(ann)es van myddeldonc clerc/ der stat van lovene