Item henric sueten ende joffrouwe margriete sijn wijf dochter symoens wilen/ vander calstren sijn comen voe(r) scepen(en) van lovene en(de) hebben quijtghescouden/ openbaerlec voe(r) hen hae(r) erfgenamen en(de) nacomelinghe(n) ten name ende tot/ behoeff gords de kersmake(re) en(de) sijnre erfgenamen en(de) nacomelinghen alle dat/ rechte en(de) alle actie eyschinghe en(de) aensprake die sij hadden ocht hebben/ mochten in enig(er) manie(re)n toter heyden van tseeftinghen diemen heet de/ heyde van coudenb(er)ghe metten houte daer op wassende en(de) met alle(n) haerre/ toebehoerten gelijc de voirs(creven) goede [heyde] geleghen sijn [es] te coudenb(er)ghe inde prochie/ van linden bekennende des voirs(creven) henric en(de) joffr(ouwe) margriete dat sij inder voirs(creven)/ heyden met haerre toebehoirten niet meer rechts en hebben Voirt aen/ hebben quijtghesconden de voirs(creven) henric en(de) sijn wijf voe(r) hen hae(r) erfgenamen/ en(de) nacomelinghen den voirs(creven) goerde kersmake(re) sijn erfgenamen en(de) nacome/ linghen en(de) alle de goede die de voirs(creven) goert houdende es van alle(n) en(de) yeghe/ welken scouden eyschinghe(n) van goeden su(m)men van ghelde vorw(er)den geluften/ condicien aensprake(n) claghe goede(n) en(de) dinghen inden welken de voirs(creven) goert/ kersmake(re) tote(n) voirs(creven) henric sueten en(de) sinen wive ghehouden was ocht verbonde(n)/ mocht sijn van wat sake(n) dat sijn mach tot opten dach van heden ende/ hebben geloeft de selve henric sueten en(de) sijn wijf op hae(r) lijf en(de) goet en(de)/ op lantzoene [zoenbreke te sijn] de voirs(creven) heyde noch en gheen goede des voirs(creven) goerts/ kersmak(er)s noch sijn erfghename(n) noch nacomelinge(n) noch ghene ande(r)/ p(er)sone die des voirs(creven) goerts goede nu ter tijt houden ocht wynnende/ sijn ocht namaels houden ocht wynnen selen noch nyeman(d)e die den/ voirs(creven) goerde nu dient ocht namaels diene(n) sal ne(m)mermeer noch te/ gheenre tijt aen te spreke(n) eyschinghe te doen te daghen te moyen in/ sake te trecke(n) ocht te campe te eyschen bi hen selven noch by nye/ man and(er)s met enghene(n) rechte gheestlec ocht wereltlec ocht and(er)s/ in enig(er) manie(re)n Bekennende en(de) v(er)lyende openbaerlec de voirs(creven)/ henric suete en(de) joffrouwe m(ar)griete sijn wijf soe waer hi hier jegen/ daden ocht ghinghe(n) in enigher manie(re)n dat si dan wae(re)n en(de) sijn souden/ soenbreke en(de) paysbreke en(de) dat sij verboert souden hebben hae(r) live en(de)/ hae(r) goede voe(r) alle he(re)n en(de) gherichte en(de) tot elker stat d(aer) si vonden/ souden w(er)den Oec kenden en(de) lyden lijeden de voirs(creven) henric en(de) sijn/ wijf dat hen van alle(n) dinghe(n) en(de) punte(n) boven bescreve(n) volcomelec/ vanden voirs(creven) goerde genoech geschiet es Hier wae(re)n ov(er) jan vanden/ huffle en(de) jan vande(n) borchove(n) scepen(en) van lovene Oec wae(re)n hier over/ lodewijc pynnoc co(m)moingimeest(er) jan de witte peter vanden huffle en(de) lode/ wijc de rike geswore(n) vander stat van lovene voe(r) de welke dit gheschiede/ als inden name d(er) voirs(creven) stat van lovene en(de) van hae(re)n weghe(n) junii xxii