It(em) arnt van redinghen en(de) roelof van redinghen hebben gheloeft dat goert/ van redinge(n) en(de) jan de kalfsteke(re) diemen heet van rotselaer bliven selen inde/ vroente in alder manie(re)n dat si nu sij en(de) dat nyeman van hae(re)n vrienden/ noch maghen tot hen comen en sal noch hen besueke(n) in gheenre manie(re)n tot/ maendaghe van heden in acht daghen naest comende en(de) dien dach al en(de)/ hebbense claerlec tot dien daghe toe verantw(er)dt dat sij daer bliven selen/ ghevanghen in alder manie(re)n dat si nu sijn sonder in enig(er) manie(re)n van/ daer gheholpen te w(er)den of [van] daer te scheiden Voert hebben de voirs(creven) arnt/ en(de) roelof van redinghe(n) v(er)antw(er)dt en(de) geloeft den vorste(r) genoech te doene en(de)/ te betale(n) van alder cost dien de voirs(creven) goert van redinghen en(de) jan de calfsteke(re)/ en(de) oec tshe(re)n diene(re)n die de voirs(creven) goerde van red(inghen) en(de) janne de kalfsteke(re) ghehuedt/ hebben en(de) voertaen ghehueden selen tot hertoe inde vroente ghedaen hebben/ en(de) voertaen doen selen alle arghelist uutghescheiden Dit ghesciede des/ maendaeghs iii daghe in aug(usto) p(rese)nt(ibus) h(enrico) de borch(oven) ludovico roelants/ scabinis lov(ansiensibus) augusti t(er)tia