Cond sij allen lieden dat want in tide(n) voirlede(n) willem vanden venne van meerbeke/ en(de) wile(n) jan vande(n) venne sijne brued(er) genome(n) hadde(n) te pachte jeghen symone vande(n)/ venne hae(re)n vade(r) sine goede gelege(n) te meerbeke te weten [de helecht van] xviii boend(er) lants of d(aer) omtre(n)t/ na dat de mate ghedreeghts elc boe(n)der daer af o(m)me i mudd mechghelsche sac rogs/ tsjaers alsoe langhe alse de voirs(creven) symone leven sal tsente andries misse apostels te betale(n)/ en(de) tot lovene te leve(re)n en(de) dat den voirs(creven) symoen wael te v(er)borghen gelijc de selve wille(m)/ nu ter tijt dat kende en(de) lijdde voir scepen(en) van lovene Soe eest dat de voirs(creven) willem/ es comen voir scepen(en) van lovene en heeft geloeft voe(r) hem en(de) voe(r) en(de) inden name des/ voirs(creven) wilen jans sijns brued(er)s kijnde(re) [en(de) voe(r) hen als haer mo(m)boir] den voirs(creven) symone sine(n) vade(r) den voirs(creven) pacht alle/ jae(re) tsinte and(ries) misse apostels te betale(n) en(de) te loeven(e) te leve(re)n en(de) alsoe als de voirs(creven)/ symoen leven sal en(de) niet lang(er) en(de) tot elken t(er)mine alse vervolghde scout en(de) dat wel/ te v(er)borghe tusschen dit en(de) sinte jans misse baptisten naist comende h(enricus) borchoven/ hub(er)tus de b(er)them martii quinta