Cond si allen lieden dat symoen vranx wisseler der stat van lovene es come(n)/ in jegenw(or)dicheyt der scepen(en) van lovene en(de) heeft gegeve(n) en(de) bekent dat hi/ gegeve(n) heeft wille(m)me lachman van cortelke sine goede gelege(n) te bins[se]wijc inde p(ro)chie/ van wiltsele Te wete(n) de woninghe mette(n) husen hove en(de) lande houdende xx/ eenen(de)twintich boende(r) luttel min ocht meer en(de) beemde [en(de)] eusele mette(n) bogarde/ houdende o(m)trent neghentien boende(r) Te houden te hebben en(de) te wynne(n) va(n) half/ merte lest leden enen t(er)mijn van acht jae(re)n daer na deen na dander sond(er) myddel/ volgende Te weten de voirs(creven) lande te same(n) met ene(n) mudde rogs [tsjaers] dat sculdich is/ jan vand(er) dylen o(m)me vijfen(de)veertich mudde rogs goet en(de) payabel pachtcoren wail/ bereydt met wanne en(de) met vede(re)n alle jare desen den voirs(creven) t(er)mijn durende tsinte/ andries daghe sapostels te betale(n) en(de) tot lovene te leve(re)n daert den voirg(enoemde) symone/ genuege(n) sal en(de) telken t(er)mine als vervolghde scout en(de) vanden [de] voirs(creven) beemde(n) en(de) eeusele(n)/ o(m)me tween(de)tachtentich hollansche gulden(en) goet van goude en(de) swaer van gewichte/ elx jaers den voirs(creven) t(er)mijn durende tsinte mertens misse inden wynter te betale(n) en(de)/ tot elke(n) t(er)mijne alse v(er)colghde scout Item sal de voirs(creven) willem den voirs(creven) symoene/ alle jae(r) gheven veertech kesen op gedroeght goeden kese gelijc hi ande(re)n lieden/ v(er)copen sal en(de) si twee scoetselen boteren Item sal de voirs(creven) wille(m) de(n) voirs(creven) symone/ alle jae(re) geven en(de) leve(re)n bynnen lovene tot sinen huys half doeft dat op de/ voirs(creven) goede wassen sal Item wille(m) voirs(creven) sal de(n) voirs(creven) symone alle jae(re) gheven/ vijfen(de)dertich mandele(n) walme(re) goete(r) en(de) cusbae(r) de huysinghe mede te decken/ en(de) alsmen duer dect soe sal de voirs(creven) symone de dachhuere(n) betale(n) en(de) de vors(creven)/ wille(m) den wercliede(n) hae(re)n cost gheve(n) en(de) gevielt alsoe dat de voirs(creven) [wilem] of sine beeste(n)/ ocht yemant van sinen wegen enich dinc brake(n) dat den voirs(creven) hove toebehoert/ dien scade soude de voirs(creven) willem de(n) voirs(creven) symone oprichte(n) en(de) weder doen make(n)
//
sonder symoens cost Ite(m) de voirs(creven) symoen sal de voirvorste porte en(de) de duven daer/ bove(n) alleen hebben en(de) behouden en(de) de voirs(creven) willem sal de duven opte cleyn porte/ hebben Oec sal willem de came(r) opte cleynporte hebben o(m)me sine kesen daer op/ te droeghe(n) en(de) willem sal alle dmest vande(n) duven hebben o(m)me dlant daer mede/ te mesten Oec sal willem alle alle dande(r) huse aldaer hebben sonder alleen de/ vorste porte als voirs(creven) es Item willem voirs(creven) sal den voirs(creven) symoene alle jae(re)/ een peert weyden een maent lanc of daer omtrent en(de) wanneer [de voirs(creven)] symoen/ of yemant van sine(n) wegen int voirs(creven) hof comt soe sal hem de voirs(creven) hem de wille(m) [willem vors(creven)]/ leve(re)n hoy en(de) stroe tot sinen p(er)den Ite(m) willem voirs(creven) sal opte voirs(creven) goede alle/ jae(re) setten hondert goeder poten daers meest te doen es en(de) die nemen vande(n)/ willeghen [aldaer] die hi truncken sal als si tijtverdich sijn en(de) metten ande(re)n loke sal hi/ de eeusele(n) en(de) lande bevreden van jae(re) te jae(re) en(de) dander orbe(re)n bynne(n) tshoefs/ en(de) de eeusele en(de) de lande sal hi bevreden en(de) begrichten en(de) de water lesen veege(n)/ alsoet behoerlic es en(de) men sculdech es te doen en(de) oec alsoe bevreedt late(n) op sinen/ cost Oec sal de voirs(creven) willem de trunceyke(n) truncken als sij tijtverdich/ sijn ende den afval daer af orbe(re)n bynnen tshoefs of daer hijs te doen heeft/ aen tselve goet en(de) engheen ander hout houwen Ite(m) de voirs(creven) willem sal den/ voirs(creven) symone alle jare diemen op dat hijs te doen heeft tien daghe met/ sinen waghene en(de) met sine(n) p(er)den Item willem voirs(creven) sal tw tvoirs(creven) lant/ wynnen wel en(de) loflec ghelijc sinen reengenote(n) en(de) allet stroe en(de) voesteringe/ die vande(n) goede comen sal dat sal hi int hof bringe(n) tot sinen besten orboe(r)/ en(de) vander overbaten mestmake(n) en(de) dat mest opt voirs(creven) lant vuere(n) en(de)/ nerghens elde(r) en(de) scoten wille(m)me enighe walme(re) of stroe over die soude/ hi vercopen ten meesten profite en(de) met dien ghelde weder mest copen en(de) dat/ vuere(n) opt voirs(creven) lant en(de) dat dit sal hi symone d late(n) weten alle jae(re) als/ hijt doet Item willem voirs(creven) sal ten eynde van sinen t(er)mine voirs(creven) besayt/ laten Te weten tvelt voe(r) bolle(n)mans met rogghen en(de) derdalf dachmael/ op hamer velt oec met rogghe en(de) drie vierdele acht(er) jans vand(er) stoct/ te binssewijc met rogghe en(de) alle [al] op sine getideghe voren en(de) opt hoevelt/ een boender met somercoerne en(de) de lasvoerde alsoe si ligghe(n) oec met/ somercorne en(de) dander al brake Ite(m) wille(m) voirs(creven) sal symoene leene(n) telken tide/ den tsijs en(de) co(m)mer uutten uut den voirs(creven) goede gaende en(de) symone dien berekene(n)/ op afslach van sinen pachte Item sal de voirs(creven) willem a ten eynde van/ sine(n) voirs(creven) t(er)mine te half merte int voirs(creven) goet laten veertich voede(r) mests/ achtien voe mandele(n) voeder stroes drie voede(r) hoys en(de) tien wa(n)ne caess/ Ite(m) noch sal de voirs(creven) wille(m) jaerlex betale(n) janne van gheele derdalf/ moelenvaet rogs en(der) der fermerie(n) vande(n) beghijnhove vier molevate rogs/ en(de) daer voe(r) sal hi weder heffen [alle] jae(re) aen janne vande(n) hoevelde twee/ molevate rogs en(de) aen lijsbetten van dieve vier molevae rogs en(de)/ aen janne vand(er) stoct een molenvaet rogs Welke vorwerden punte(n) en(de)
//
condicien boven bescreve(n) de voirs(creven) symoen en(de) willem hebbe(n) geloeft malcande(re)n wel/ en(de) volcomelec te houden en(de) te voldoen in alle der voege(n) en(de) manie(re)n bove(n) verclaert/ en(de) ten elke(n) t(er)mine als si [valle(n) en(de)] verschinen selen als vervolghde scout en(de) hier af sijn es/ borghe des voirs(creven) willems als p(ri)ncipael sculde(r) ongesundert en(de) ongescheyden joes/ lachmael(n) sijn bruede(r) de welke(n) joes de voirs(creven) willem heer Voert es vorwerde/ gevielt alsoe dat bynne(n) de voirs(creven) t(er)mine de voirs(creven) wille(m) of joes af livich worde/ dat dan de ghene van hen beyde(n) die te live bleve soude de(n) voirs(creven) symoen [bynne(n) eenre maent naest volgende] setten/[ene(n)] ande(re)n borghe alsoe vast en(de) alsoe rike als de ghene was die alse gestorve(n) wae(r)/ En(de) hier af te wete(n) va(n) alle(n) poente(n) voirs(creven) heeft de voirs(creven) willem geloeft den voirs(creven)/ joes sine(n) bruede(r) scadeloes [te houde(n) en(de)] tontheffen hier wae(re)n over lodewijc py(n)noc en(de) jan/ van oppendorp scepen(en) van lovene dit gheschiede en(de) was gedaen int jae(r) ons/ he(re)n duse doemen screef dusent vierhondert en(de) dertien acht daghe in meye