Ite(m) cont sij allen lieden dat lambrecht vande(n) bruele van ov(er)wynde sone/ lambrechts wilen vand(en) bruele en(de) jan vande(n) b(er)ge na(tur) natuerlec sone/ jans vande(n) b(er)ghe van ov(er)wynde sijn come(n) voe(r) scepen(en) va(n) lov(en) h(ier) nae/ ghenoemt en(de) hebben genome(n) en(de) bekendt dat sij ghenome(n) hebbe(n) vanden/ eerw(er)degen he(re)n deken en(de) cap(it)le d(er) kerken va(n) s(inte) denijs va(n) ludeke/ de thiende(n) va(n) ov(er)wynde [groet en(de) cleyne] den vors(creven) deken en(de) cap(it)len va(n) s(int) denijs toebehoe(re)nde/ gelijc sij ald(aer) begelege(n) sijn te houden te hebbe(n) en(de) te ghebruyke(n) va(n) op den/ xiiii dach d(er) maent va(n) junio als men scrive(n) sal jaer vand(er) geboerte(n)/ ons he(re)n xiiii[c] xiiii ene(n) t(er)mijn va(n) xii jae(re)n [lanc] deen nae dand(er) daer nae/ staph(ans) volg(ende) alle jae(re) dae(re)n binne(n) o(m)me lxxx mudden spelte(n) goet en(de)/ payabel d(er) maete(n) va(n) loeven(e) ludeke te s(int) andr(ies) misse apostels te betale(n)/ en(de) te ludeke op den greynir d(er) vors(creven) he(re)n va(n) s(int) denijs ocht binne(n) brab(an)t/ daert hen den vors(creven) he(re)n [best] gelieve(n) sal te leve(re)n op cost en(de) expens des vors(creven)/ lambrechts en(de) jans alle jae(re) den vors(creven) t(er)mijn duer(ende) en(de) telke(n) t(er)mine als/ v(er)volghde schout en(de) es voerw(er)de w(er)t [ghevielt] alsoe dat de vors(creven) lambrecht en(de)/ jan schade hadde(n) ocht leden inde vors(creven) thiende van [ghemeyne(n)] tempeeste(n) va(n) [gemeynen] orloghe/ op va(n) brande Soe heeft geloeft h(er) godev(ar)t emont canonc vand(er) vorscr(even)/ kerken als p(ro)cuereerd(er) der vors(creven) cap(it)len inde name en(de) vand(er) selv(er) cap(it)len/[wegen] den vors(creven) lambrechte en(de) ja(n)ne d(aer) af rastoer te doene [op dat sijt de(n) vors(creven) he(re)n in goed(er) tijt laete(n) weten] gelijc ande(r) he(re)n/ en(de) p(re)late hoe(re)n thiendene(re)n ald(aer) bove(n) en(de) benede(n) doen selen py(n)noc rike/ oct(obris) xxiiii