SAL7308, Act: V°180.2 (77 of 193)
Search Act
previous | next
Act V°180.2  
Act
Date: 1411-07-23

Transcription

2020-02-29 by Magda van Winkel
Ite(m) arnt van redinghen en(de) roelof van redinghen hebben geloeft dat goert van/
redinghen en(de) jan de calfsteke(re) diemen heet van rotselaer bliven selen inde vroente/
in alder manie(re)n dat si nu sijn en(de) dat nyeman van hae(re)n vrienden noch maghen/
tot hen comen en sal noch hen besueke(n) in gheenre manie(re)n van nu tot maendaghe/
naest comende en(de) dien dach al en(de) hebbense claerlec tot dien daghe verantwerdt/
dat si dair bliven selen ghevanghen in alder manie(re)n dat si nu sijn sonder in/
enigher manie(re)n van daer geholpen te werden of van daer te scheiden Voert/
hebben de voirs(creven) arnt en(de) roelof van redinghen verantw(er)dt en(de) gheloeft den vorste(r)/
genoech te doen en(de) te betale(n) van alle der cost dien de voirs(creven) goert van redinghen/
en(de) jan de calfsteke(re) en(de) oec tshe(re)n diene(re)n die de voirs(creven) goerde van redinghen en(de)/
janne de calfsteke(re) ghehuedt hebben en(de) voertaen hueden selen tot hertoe inde/
vroente gedaen hebben en(de) voertaen doen selen alle arghelist uutgescheiden/
Dat gheschiede des dondersdaeghs xxiii daghe in julio daer bi en(de) aen waren/
henric vanden borchoven en(de) jan vanden huffle scepen(en) van lovene Oec/
wae(re)n daer bi de meye(r) van lovene en(de) jan de meye(re) onderdrossate van brab(an)t/
en(de) noch lodewijc pynnoc co(m)moingimeest(er) en(de) mijn he(re) van heverle
Contributorskristiaan magnus
Moderated bykristiaan magnus
Last update: 2014-01-07 by Jos Jonckheer