SAL7308, Act: V°329.1,R°331.1 (135 of 192)
Search Act
previous | next
Act V°329.1,R°331.1  
Act
Date: 1412-07-09

Transcription

2020-08-26 by Magda van Winkel
It(em) want stoet en(de) tabat geweest sijn tusschen steven vanden ekel/
hoven sone henr(icx) wilen vande(n) ekelhove(n) in deen side en(de) lijsbette(n)/
vande(n) b(er)ghe l moeder des voirs(creven) stevens bouden willems brueder/
de voirs(creven) stevens vande(n) nabedde woute(re)n eveloghe gheerde goedens/
en(de) roelofe corsbout die dochte(re)n hebben der voirs(creven) lijsbette(n) vanden vors(creven)/
na bedde [in dand(er) si(de)] alsulke(n) goeden als de vo bleven sijn den voirs(creven) steve(n)/
vande(n) voirs(creven) henr(icx) wilen vanden ekelhove(n) sinen vade(r) en(de) die hem/
bliven en(de) v(er)schinen selen na de doet d(er) voirs(creven) lijsbetten sijnre moed(er)/
en(de) oec vanden goeden die de voirs(creven) lijsbeth sijn moed(er) met henr(ic)/
willems [hoe(re)n na man] vader sijnre voirs(creven) brued [des vors(creven) boudens] en(de) [sijnre] suste(re)n te gade(r) vercregen in/
gehelen stoele Soe sijn de vors(creven) p(ar)tien des comen voe(r) scepen(en) va(n)/
loven(e) en(de) sijn vande(n) voirs(creven) poente(n) en(de) stucke(n) bleve(n) in segge(re)n en(de) in/
br(ieve) yffene(re)n dats te weten de voirs(creven) steven [in] janne va(n)de(n) meersb(er)ge/
en(de) janne heyns van langdorp en(de) de voirs(creven) lijsbeth sijn moeder in/
bouden willems hae(r) sonen wout(er) eveloghe gheert goedens en(de)/
roelof corsbout in janne vande(n) b(er)ghe en(de) joh(ann)es van boeyslynthre/
in alsulk(er) voeghen dat de voirs(creven) p(ar)tien alle hae(re)n eysch en(de) alle/
hae(r) bescheyt dat deen den ande(re)n eyschen mach bynne(n) v xiiii nachte(n)/
[naest comende] den voirs(creven) segg(er)s ov(er)geven selen in gescrifte bynnen d(er) stat va(n)/
loven(e) alsoe dat daer na elke p(ar)tie op den eysch die deen den/
ande(re)n ov(e)geven sal bynne(n) xiiii nachte(n) d(aer) na [volgende] hue(r) v(er)antw(er)den en [d(aer) op maken selen en(de) dat oec]/
daer n den voirs(creven) segghe(re)n ov(er)geve(n) selen oec in gescrifte bynne(n)/
der selver stat van loven(e) en(de) waert alsoe dat de voirs(creven) p(ar)tie/
enighe sake(n) thoene(n) wouden den voirs(creven) stoet en(de) tabat aenruere(n)de/
dat dat thoenisse de voirs(creven) vr segge(re)n eendrechtelec aenhoe(re)n/
selen bynnen xiiii nachte(n) dair naest volgende alsoe dat de selve/
segge(re)n aensprake en(de) antw(er)de en(de) thoennisse aenhoert en(de) ov(er)gehadt/
hae(re)n seggen tussche(n) den voirs(creven) p(ar)tien seggen en(de) utene(n) selen ov(er)/
bynnen xiiii nachte(n) d(aer) naest volgende op dat sijs niet eens noch [en(de)]/
van accoerde sijn en(de) soe waer sijs niet eens noch va(n) accoerde/
geworden en consten dat dan de voirs(creven) iiii segge(re)n aensprake/
en(de) antw(er)de en(de) thonisse en(de) alle dats voe(r) hen comen sal sijn bu(r)ge(n)/
selen voe(r) scepen(en) van lovene o(m)me d(aer) af te halen vonnissen/
gelijc de ocht de voirs(creven) p(ar)tien vanden voirs(creven) sake(n) gedingt/
hadde(n) met de(n) rechte en(de) hebbe(n) geloeft en(de) gheloven de/
voirs(creven) p(ar)tien vast en(de) gestedich te houden soe wes de voirs(creven)/
segge(re)n eendrechtelec en(de) met accoerde tussche(n) de vors(creven)/
p(ar)tien op dat sijs eens sijn [seggen selen] ocht de scepen(en) va(n) lovene soe
//
waers de voirs(creven) segghe(re)n niet eens en wae(re)n [worden] en(de) hae(r) [hen] voer een vonnis/
en(de) een recht geven en(de) kere(n) selen met alsulk(er) voege(n) want d waert/
dat enig(er) p(ar)tien sijn segge(re)n een ocht meer gebrake ocht niet gecrige(n)/
en(de) conste dat si andere in die stat neme(n) moege(n) sonder argelist en(de) hebbe(n)/
of i band(uyn) va(n) c crone(n) tot mijns he(re)n behoef va(n) brab(ant) oppendorp capellema(n)/
jul(ii) ix
Contributorskristiaan magnus
Moderated bykristiaan magnus
Last update: 2014-01-14 by Jos Jonckheer