Ite(m) want henr(ic) puppen va(n) dieste die ov(er)mids vo(n)nisse va(n) scepen(en) brieve(n)/ van loeve(n)e beleydt es tot den goede(n) h(er) willems wilen anxts priest(er)s/ dach gedaen heeft geweest met d(er) stat brieve(n) va(n) loeve(ne)n eenw(er)f and(er)w(er)f/ en(de) derdew(er)ven te rechte te come(n) jegen pete(re)n bolen van ee(n) bloke lants/ gelegen te halen op de ruselmolen strate neve(n) sp(er)soens lant va(n) halen/ daer af dat de vors(creven) pet(er) meynde dat henric puppen met sine(n) beleyde/ v(er)doelt wae(r) Tot welke(n) dagen hem gesedt vand(er) stat va(n) loeven(e) de selve/ henric niet voe(r) ogen come(n) en es alsoe dat de scepen(en) va(n) loeven(e) gemaent/ vande(n) meyer va(n) loeven(e) gewijst hebbe(n) voe(r) een vo(n)nisse want henric/ voe(r) ogen niet come(n) en es dat de vors(creven) pet(er) sijn recht v(er)volgen mach/ inde(n) hof d(aer) de vors(creven) goede gelegen sijn p(rese)nt(ibus) py(n)noc alb(us) rike oppe(n)dorp/ spoelart capellema(n) aug(usti) xiii