Item arnt van redinghen en(de) roelof van redinghen hebben gheloeft dat goert/ van redinghen en(de) jan de calfsteke(re) diemen heet van rotselaer bliven selen/ inde vroente in alder manie(re)n dat si nu sijn en(de) dat nyeman van hae(re)n vrienden/ noch maghen tot hen comen en sal noch hen besueke(n) in gheenre manie(re)n van/ nu tot go[e]nsdaghe naest comende en(de) die dach al en(de) hebbense claerlec tot dien dage/d verantwerdt dat si daer bliven selen ghevanghen in alder manie(re)n dat/ si nu sijn sonder in enigher manie(re)n van daer gheholpen te werden of van/ daer te scheiden Voert hebben de voirs(creven) arnt en(de) roelof van redinghen v(er)antw(er)dt/ en(de) gheloeft den vorste(r) genoech te doene en(de) te betalen van alle der cost dien/ de voirs(creven) goert van redinghen en(de) jan de calfsteke(re) tot hertoe inde vroente gedaen/ hebben en(de) voert aen doen selen alle argelist uutghesloten Dit gheschiede/ des maendaeghs xx daghe in julio daer bi en(de) aen wae(re)n jan vanden huffle/ en(de) hubrecht van berthem scepen(en) van loven(en) Oec was daer bi lodewijc/ pynnoc co(m)moingimeester van loeven(e)