It(em) arnt van redinghen en(de) roelof van redinghen hebben gheloeft dat goert van redinghe(n)/ en(de) jan de calfsteke(re) dieme(n) heet van rotselair bliven selen inde vroente in alder manie(re)n/ dat sij nu sijn en(de) dat nyeman van hare(n) vrienden noch maghen tot hen comen en sal noch/ hen besueken in gheenre manie(re)n van morghen [maendach] Te weten x daghe in aug(usti) [tot des maendaeghs] over xiiii nachte/ daer na staphans volghende en(de) dien dach al en(de) hebbense claerlec tot dien daghe v(er)antw(er)t/ dat si daer bliven selen ghevanghen in alder manie(re)n dat sij nu sijn in enigher/ manie(re)n van daer gheholpen te werden of van daer te scheiden Voert hebben de voirs(creven)/ arnt en(de) roelof van redinghen verantw(er)t en(de) gheloeft den vorste(r) genoech te doen en(de) te/ betale(n) van alder cost die de voirs(creven) goert van redinghen en(de) jan de calfsteke(re) en(de) oec tshe(re)n/ diene(re)n die de voirs(creven) goerde van redinghe(n) en(de) janne den calfsteke(re) ghehuedt hebben ende/ voertaen hueden selen tot hertoe inde vroente ghedaen hebben en(de) voert aen doen selen/ alle arghelist uutghesloten Dit gheschiede des sondaeghs ix daghe in augusto/ p(rese)ntibus h(enrico) de borch(oven) jo(hanne) de huffle