Soe eest dat de segge(re)n der voirs(creven) p(ar)tien hier na genoemt te wete(n)/[de voirs(creven)] jan vande(n) meersb(er)ghe en(de) met hem jan vand(er) meertshoven inde stat/ des voirs(creven) jans heyns en(de) jan de ridde(re) in de stat jans van boeslynthre voirs(creven)/ en(de) jan vande(n) stade inde stat jans vander b(er)ghe voirs(creven) sijn come(n) opten/ dach datu(m) des briefs in jeghe(n)w(er)dicheyt der scepen(en) va(n) lovene en(de) hebben/ geseeght gheutent en(de) ghep(ro)nu(n)cieert eendrechtichlec hae(r) segghen/ vriendelike yffeninghe en(de) goet duncke(n) tusschen de p(ar)tien en(de) vande(n) poente(n)/ en(de) sake(n) boven bescreve(n) inder manie(re)n hier na volgende Inden yersten/ seggen de voirs(creven) segge(re)n voe(r) haer seggen eendrechtichlec dat steven/ vanden ekelhoven voirs(creven) sal hebben half tstraetsvelt en(de) voertmeer een/ half dachmael in dander helecht alsoe sine scepen(en) brieve begrepe(n) en(de) voert/ va(n) dat daer blijft int rae in tstraetsvelt soe sal steven na sijnre moed(er)/ doet tvierendele voir uut hebben en(de) in dander hodegelijc deylen want/ so(m)mich gedeelte bi stevens vad(er) gecregen was en(de) so(m)mighe in sijnre moeder/ weduwestoele Item als vanden vier vier stucke(n) beemts gelegen te werde/ int broeck die steven eyscht soe seggen de voirs(creven) segg(er)s dat steven voir/ uut hebben sal de helecht van dien selven vier stucke(n) als sine stocgoede/ en(de) int derde stucke sal hi na sijnre moeder doet hebben de helecht/ en(de) in dander helecht van desen derden stucke sal hi deylen hodegelijc/ en(de) in tvierde stucke selen der vrouwen nakijnde(re) de helecht voir uut/ hebben na der vrouwen doet en(de) in dander helecht van dien selven/ vierden stucke sal de voirs(creven) steven deylen hodegelijc Ite(m) seggen de voirs(creven)/ segg(er)s na de waerheyt vanden scepen(en) brieve dat steven den staf/ fartshof hebben sal Ite(m) seggen de selve segg(er)s voirs(creven) dat de/ voirs(creven) lijsbet hae(r) tocht behouden sal aen half dwoenhuys metten/ bacvuere en(de) metter toebehoirte(n) en(de) na der selver lijsbetten doet/ selen hae(r) kijnde(re) dy [dat] deylen na den lantrechte Ite(m) segge(n) de voirs(creven)/ segg(er)s na de waerheyt die si verhoert hebbe(n) dat de voirs(creven) steven/ sinen wijngart behouden sal Item segge(n) de selve segg(er)s na de/ waerheyt die si vinden dat steven behouden sal den beemt op de/ motte en(de) [Item] op dat de voirs(creven) lijsbet eyscht tsijs daer op [soe] segge(n) de/ segg(er)s eest alsoe dat yemant den ande(re)n tsijs eyschende es dat/ hi daer af volghe sinen pande Item seggen de voirs(creven) vier
//
segg(er)s dat die sessen(de)twintich mottoene die te lovene staen ontrasteert selen sijn/ Item alse vanden scepen(en) brieve van lovene die spreect van sessen(de)dertich hollansche(n)/ gulden(en) en(de) van drie mudden rogs soe segge(n) de voirs(creven) vier segghers eest alsoe/ dat yemant daer af in gebreke esdie come voe(r) de(n) meye(r) en(de) scepen(en) te lovene/ en(de) versueke recht Item noch seggen de voirs(creven) vier segg(er)s na de waerheyt die/ si verhoert hebben dat steven vanden ekelhoven onthaven sal sijn vander/ huwelik(er) vorw(er)den als van roelof corsbout en(de) van beat(ri)cen sijnre w(er)dynnen en(de)/ vanden gebreke des gelijcs Item voirt segge(n) de voirs(creven) vier segg(er)s dat de voirs(creven)/ p(er)soene [te weten de voirs(creven) lijsbet] steven vanden ekelhoven lijsbet sijn moeder bouden willems sijn brued(er)/ en(de) hae(r) drie swag(er)s [voerghenoempt] van alle(n) scatscoude ocht haeflike(n) goeden die sij deen den ande(re)n/ eyschende sijn in allen siden tot op desen dach te malcande(re)n wart ongehouden/ selen sijn Item segge(n) noch de voirs(creven) vier segg(er)s soe waer enighe p(ar)tye voirs(creven)/ enighe brieve voirtb(ri)ngen ocht thoenen woude jegen tvoirs(creven) seggen oft jeghen/ enich poent daer in begrepen dat dat van ghenen valoe(r) sijn en sal en(de)/ dat daer mede tvoirs(creven) segge(n) niet ghecrenct noch v(er)myndert en sal wesen Welke/ segge(n) vriendelike yffeninghe en(de) poenten alle en(de) yegewelke boven bescreve(n) en(de)/ vercleert de voirs(creven) vier segg(er)s hebbe(n) seg gheseeght en(de) segge(n) [eendrechtichlic voe(r) hae(r) seggen] ghehouden en(de)/ voldaen te w(er)den opten banduyn en(de) na inhout en(de) in alder gelijc int/

voirs(creven) comp(ro)misse inden scepen(en) brief[ve] vande(n) voirs(creven) comp(ro)misse onthouden/ en(de) beg(ri)pe(n) es Dit gedaen de voirs(creven) p(er)sone te weten lijsbet wijf wile(n)/ henrics vande(n) ekelhoven steven vanden ekelhove bouden willems hae(r)/ sone gheert goedens en(de) roelof corsbout daer jegenw(or)dich staende ende/ tvoirs(creven) seggen aenhoe(re)nde hebben geloeft tvoirs(creven) segge(n) en(de) alle poente(n) daer/ in begrepen vast en(de) ged gestedich te houden te vervulle(n) en(de) te voldoen/ in alle der voeghen vorme(n) en(de) manie(re)n in dese(n) jegenwordige(n) brieve/ begrepen en(de) verclaert Hier wae(re)n over jan de witte jan spoelart/ en(de) wout(er) capellema(n) scepen(en) van lovene dit geschiede int jae(r)/duse ons he(re)n doeme(n) screef dusent vierhond[ert] en(de) twelfve den ande(re)n/ des anders daeghs in septe(m)br(is)