Ite(m) symoen vanden bruele van rode smet gestaen in jeghenwordicheyt der/ scepen(en) van lovene heeft geloeft op sijn lijf en(de) op sijn goet en(de) op lantzoene/ nu(m)mermeer hatye vede noch viantscap te dragen noch te doen bi hem/ selven noch bi nyemant anders tot brueder wille(m)me den spoermake(re) min/ derbrueder o(m)me alsulke(r) saken wille als tusschen hen beyden geschiet sijn/ in tiden voirleden tot op desen tijt toe behoudelic dien wilt de voirs(creven)/ symoen de(n) voirs(creven) [brued(er)] wille(m)me de(n) spoermake(re) yet eyssche(n) ocht aenspreke(n) dat/ hi dat doen mach daer dat sculdich es te gheschien p(rese)ntibus egidio/ rike johanne spoelart anno duo(deci)[mo] septembr(is) xiiii