Het sijn comen int recht voe(r) den meye(r) ende scepen(en) van lovene claes van leefdale/ vorster van lovene in deen side en(de) h(er)gheert de bruyne p(ro)chiaen der kerken van/ he(re)nt in dander side daer de voirs(creven) claes van leefdale met sinen geleverde(n) voer/ spreke aensprac den voirs(creven) h(ere)ngeerde ende seyde dat hi hadde een moeye gehete(n)/ mabilie van leefdale die sijns vaders witteghe zuster was ende dat sij vercreghen/ hadde een huys metten hove en(de) met sinen toebehoirte(n) gelegen inde coestrate tussche(n)/ de goede des godshuyss vanden wittenvrouwen en(de) de goede jan heyns van lang/ dorp ende dat sij daer uut gestorven was als uut haren erve Welke goede de/ voirs(creven) claes vonde houdende den voirs(creven) h(ere)ngheerde tonrecht en(de) niet te rechte wa(n)t/ de voirs(creven) claes een vanden naesten erfgenamen we(re) der voirs(creven) mabilie(n) en(de) van wet/ tighen bidde dat hi bode te thoenen woudt hem yemant ontkenne(n) Oec boet/ hi te thoenen alsoe hijt sculdich wae(r) te thoenen dat de voirs(creven) mabilie uut den/ voirs(creven) huse met sinen toebehoerte(n) gestorven wae(re) als uut hae(re)n erve yesch daer/ o(m)me de voirs(creven) claes als een vanden naesten erfgenamen der voirs(creven) wilen mabilien/ een vierendeel vanden voirs(creven) goeden alse voer sijn aendeel ende versocht den/ meye(r) van lovene dat hi den voirs(creven) h(ere)ngeerde in dien hedde dat hi sine hande/ af dede vanden voirs(creven) goeden alse vanden enen vierendeel voe(r) sijn aendeel/ of dat hijs hem te(n) scepen(en) w(er)t keerde ende daeds hem een vonnisse na tthonisse/ dat hijs bode Daer op de voirs(creven) hergheert de bruyne hem v(er)antw(er)de met/ sinen geleverden voerspreke en(de) dede daer lesen int recht seke(re) scepen(en) brieve/ van lovene Te weten enen scepen(en) brief ov(er)mids den welke wouter van belande(n)/ inde voirs(creven) goede gegoedt was voe(r) scepen(en) van lovene van gielise lachman en(de)/ ande(r) scepen(en) brieve van lovene inhoudende dat peter vanden bruele geleydt was/ metten meye(r) en(de) scepen(en) van lovene toten goeden des voirs(creven) wouters va(n) belande/ sijn sweers en(de) dat mids virtuyt van dien toeleide de voirs(creven) peter vanden/ bruele den voirs(creven) h(ere)ngheerde inden voirs(creven) goeden gegoedt hadde voe(r) scepen(en)/ van lovene Begeerde daer o(m)me en(de) versocht de voirs(creven) h(er)ghheert aende(n) voirscr(even)/ meye(r) van lovene dat hi gehouden worde in sine voirs(creven) goedinge na inhout/ sijnre brieve voirs(creven) of dat hijs den scepen(en) maende en(de) daeds hem een von/ nesse Op dwelke de voirs(creven) meyer van lovene maende de scepen(en) van/ lovene wats metten rechte sijn soude welke scepen(en) van loven(e) na dat sij/ hen beraden hadden wijsden voe(r) een vonnisse na daensprake en(de) na/ tverantw(er)den van beyde [den] p(ar)tien en(de) na de voirs(creven) scepen(en) brieve dat die/ aensprake die de voirs(creven) claes van leefdale gedaen hadde toten voirs(creven)/ h(ere)ngeerde den voirs(creven) h(ere)ngeerde geen onstade doen en soude en(de) dat de meye(r)/ van lovene den voirs(creven) h(ere)ngeerde houden soude in sijnre goedinge na/ inhout sijnre scepen(en) brieve van lovene Presentibus ludovico/ pynnoc johanne alb(us) egidio rike johanne de oppendorp johanne/ spoel(ar)t paulo custe(re) et walte(r)o capelleman scabinis lovan(iensibus) datu(m) anno/ dom(ini) m[mo] cccc[mo] duodeci(m)o me(n)sis februarii die septima/

Istud sc(ri)ptu(m) erat l(it)teri cora(m) ludovico pynnoc joh(ann)e albus egidio rike joh(ann)e de oppe(n)dorp/ joh(ann)e spoel(ar)t et paulo custe(re) scab(in)is lov(aniensibus) anno xii[mo] februarii nona cong(r)[e]gatur p(ro)ut/ scabinis sup(ra) moor