Item es vorw(er)de tusschen den vors(creven) v p(ar)tien waert alsoe de vors(creven) jan van/ trongneez en(de) mathijs ha(n)nart schade hadde(n) en(de) lede(n) op de tiende die sij jege(n)/ den vors(creven) deken genome(n) hebben van tempeeste(n) ocht va(n) gehmeyne(n) orloghe/ den ghebuere(n) en(de) reenghenote(n) gheen schade va(n) tempeeste(n) ocht va(n) orloge/ hebbende dat dan soe sijn [hebben] de vors(creven) p(ar)tien geloeft hen des te ke(re)n in iiii goede/ knape(n) die sij in beyden siden d(aer) toe neme(n) selen op dat de vors(creven) schade gheviele/ die schade te t(er)mine(re)n en(de) te sette(n) nae gewoenlecheit gelijc men va(n) schade(n)/ en(de) tempeeste(n) gewoenlec ald(aer) es te sette(n) en(de) gelijc ocht ande(r) pechtene(re)n d(er)re/ gelike schade hadde(n) en(de) gelede(n) hadde(n) en(de) hebbe(n) geloeft beyde de vors(creven) p(ar)tien/ vaste en(de) ghestedich te houde(n) soe wes de vors(creven) iiii segge(re)n eendrechtichlec d(aer) af/ seggen en(de) t(er)mine(re)n sele(n) en(de) soe waer sijs niet eens en worde(n) dat sij/ dan come(n) soude(n) te lov(en) o(m)me een heervo(n)nis ochts de p(ar)tien mette(n)/ rechte gedingt hadde(n) en(de) hebbe(n) geloeft etc(etera) h(enrico) borch(oven) h(er)tsh(als) junii ult(ima)