Item es want stoet en(de) tebat geweest sijn tusschen cornelijs lambrechts/ in deen side en(de) roelof pols in dande(r) side alse van woerde(n) [en(de) vorw(er)den] die/ de vors(creven) cornelijs de meynt dat de vorscr(even) roelof hem gheloeft/ en(de) toegheseeght soude(n) hebben des de selve roelof meynt dat/ hi niet gedaen en heeft [en(de) van mesdade(n) die roelof meynt dat cornelijs hem mesdaen heeft] Soe sijn beyde de vors(creven) p(ar)tyen come(n)/ voe(r) scepen(en) van lov(en) en(de) sijn van allen den vors(creven) stoete [en(de) va(n) allen sake(n) d(aer) uut porrende] bleve(n) in segge(re)n / en(de) vriendelec yffene(re)n te weten de vors(creven) cornelijs [in] h(ere)n alarde de(n)/ clieve(re) prieste(r) en(de) wille(m)me van udeke(m) en(de) de vorscr(even) roelof in/ reyne(re)n biset en(de) gielise uuten lyemi(n)gen in alsulk(er) voegen dat/ vorscr(even) cornelijs sijn bescheit ov(er)gheve(n) sal sine(n) segge(re)n bi(n)nen/ viii dagen naest come(n)de dwelc men dan den vors(creven) roelof gheve(n) sal/ die sijn v(er)antw(er)de(n) d(aer) [op] sal make(n) en(de) ov(er)gheve(n) den vors(creven) sine(n) segge(re)n/ bi(n)ne(n) viii dagen d(aer) naest volg(ende) alsoe dat de sel vors(creven) vier/ segge(re)n eysch alle bescheit va(n) beyde de(n) p(ar)tyen ov(er) gehadt hoe(r)/ seggen d(aer) [af] uutene(n) selen bi(n)ne(n) xiiii nachte(n) d(aer) naest volgende/ op dat sijs va(n) accoerde sijn en(de) soe waer sijs niet eens gew(or)de(n)/ en conste(n) dat dan de vors(creven) iiii segge(re)n ene(n) ov(er)man kyese(n) [selen] die/ sijn segge(n) d(aer) af segge(n) sal bi(n)ne(n) viii dagen d(aer) naest volg(ende)/ En(de) hebben geloeft beyde de vors(creven) [selve] p(ar)tyen vaste en(de) gestedich te/ houde(n) soe wes de vors(creven) iiii segge(re)n of de ov(er)man tussche(n) hen/de vorscr(even) p(ar)tyen segge(n) selen [segge(n) selen] op ene(n) banduyn va(n) ene(n) pont/ oud(er) grote tot ons ghened(ichs) he(re)n [van brab(an)t] behoef En(de) es vorw(er)de w(aer)t/ enich vande(n) p(ar)tyen sijn segge(re) gebrake dat hi dan ande(re)/ in die stat neme(n) sal moge(n) sond(er) argelist py(n)noc rike m(ar)cii/ vii