It(em) vranc oeghe die ov(er)mids vo(n)nisse van scepen(en) brieve(n) van loven(e) beleidt is tot allen den goeden/ have en(de) erve henrics lathouwers heeft geloeft pete(re)n van nethene(n) rentmeester va(n) loven(e)/ co(m)merloes en(de) scadeloes en(de) scadeloes te houden(e) en(de) tontheffene van dien vier oude(n) schilde(n) te wete(n)/ liiii pl(acken) voir den schilt gerekent die olivier nu t(er) tijt rentmeester van holair en(de) va(n) ov(er)yssche/ schuldich was den voirs(creven) henricke(n) den lathouwe(re) de welke jan hynckart woudemeester va(n) braba(n)t/ aen den voirs(creven) olivier gerasteert hadde mids den welken de voirs(creven) olivier die sette in handen des voirs(creven)/ pet(er)s van nethen(en) En(de) heeft voert geloeft de voirs(creven) vranck den voirs(creven) pete(re)n van nethene(n) jegen ene(n)/ ygeliken hier af gerecht warant te sijn opp(endor)p (et) opp(endorp) m(ar)cii qui(n)ta