Van reyne(re)n vanden morte(re)/ Het is comen in rechte voer meye(r) ende scepen(en) van loven(e) jan de haze/ van denremonde ende heeft aengesproken reyne(re)n vande(n) morte(re) seggen(de)/ dat de selve reyne(r) van zeke(re)n goeden gelegen inde p(ro)chie van londerssele hem/ toebehoe(re)nde afgedaen hadde seker huysingen ende die gevuert daert hem/ genueghde de welke hi also lief hadde als c vrancr(ijx) cronen ende dat de voirs(creven)/ reyner die afgedaen ende euwech ghevuert hadde dat boet de voirs(creven) jan/ te thoene(n) en(de) mette(n) mynsten daer hij inden rechte mede lyden mochte/ Seide voert dat de voirs(creven) reyner die goede gebruyct ende gebesicht/ hadde xx jaer lang die wel wert wa(r)en v mudde rox sjaers dwelc/ hij oec boet te thoenen hopen(de) en(de) meynende so waer hi dese poenten/ gethoene(n) conste dat hem de voirs(creven) reyner de voirs(creven) huysinge wed(er) brengen/ soude of hem c cronen daer voer gheven ende hem voert betalen vanden/ voirs(creven) xx ja(r)en dat hi die goede gehouden hadde elx jaers vijf mudde rox/ Op dwelke de voirs(creven) reyner met sinen gelev(er)den voersprake hem v(er)antw(er)de/ ende seide dat sijn vader ende moeder de voirscr(even) goede besaten als hoe(r)/ wittich erve ende dat sij daer uut gestorve(n) wa(r)en als uut hoe(re)n erve deen/ voer ende dander nae ende dat daer nae de voirs(creven) reyner ende dander sijn/ brueder dat oec beseten hebbe(n) als hoe(r) erve xxx jaer ende dage ende daer/ boven dwelc hi boet te thoene(n) Ende hoe wael dat de voirs(creven) jan de haze/ wat rechts inde(n) gront vanden voirs(creven) goeden meynt te hebben soe/ seide de voirs(creven) reyner dat de voirs(creven) huysingen afgedaen wa(r)en en(de) euwech/ gevuert t(er)tijt dat sij de goede besaten als hoe(r) erve ende eer de voirs(creven) jan/ de haze e(n)nige calangie daer op gedaen hadde dat hij oec boet te thoenen en(de)/ metten mynsten (et)c(etera) Also dat nae aensprake ende antw(er)de de meyer van loven(e)/ maende de scepenen van loven(e) wes recht sijn soude die wijsde voe(r) een/ vonnisse want hen beide p(ar)tyen thoenisse vermeten hadden dat sij thoenen/ souden ende dae(re)n teynden recht Ten dage van thoenisse thoende de voirs(creven)/ jan de haze des hi hem v(er)meten hadde ende oec de voirs(creven) reyner inder manie(re)n/ dat hi hem vermeten hadde ende also veel meer dat de voirs(creven) ghetuyge(n) droege(n)/ dat die namelike goede robbrechte vanden morte(re) des voirs(creven) reyners brueder/ in deylingen gevallen wa(r)en Dae(re)n teynden maende voert de meyer va(n)/ loven(e) de scepen(en) van loven(e) wes recht sijn soude die wijsde(n) voer een vo(n)nisse/ nae aensprake na antwerde na thoenisse ende na al dats voer hen come(n) was/ dat de voirs(creven) reyner vanden morte(re) ongehouden sijn soude van alsulker aensprake(n)/ als de voirs(creven) jan de haze vanden voirs(creven) huyse en(de) coren tot hemw(er)t gedaen/ hadde mair meynde de selve jan de haze e(n)nich recht te hebbe(n) tot den gronde/ vanden voirs(creven) goeden daer af sette(n) sij de p(ar)tyen inde(n) hof daer de goede hoire(n)/ ald(aer) deen jegen den ande(re)n recht te nemen(e) ende te gheven P(rese)ntib(us) opp(endorp) opp(endorp)/ juede willem(aer) ridder m(ar)tii xiii anno xx[o]