Item jan van meldert [van ov(er)ysche] soen henrix van meldert es come(n) in jeg(ewoirdicheit) (et)c(etera) En(de) heeft/ genome(n) en(de) bekendt dat hi genomen heeft van sander ts(er)vranx de goede/ des selfs sanders met huse(n) hove(n) wy(n)ne(n)de(n) lande(n) beemde(n) eeusselen en(de)/[bloke(n) en(de)] hore(n) toebehoerte(n) gelege(n) te hontsberge inde p(ro)chie van voshem en(de)/ van leefdale Te houde(n) te hebbe(n) en(de) te wy(n)ne(n) v uytgenome(n) de poerte/ met de(n) huse d(aer) aen staende en(de) mette(n) duyfhuse de welke de voirs(creven) sander/ selve behoude(n) sal Te houden te hebben en(de) te wynne(n) va(n) half meerte/ neestkome(n)de ene(n) t(er)myn van vi jare(n) lanc deen na dander d(aer) na staphants/ volgende elx jairs de voirs(creven) wy(n)nende lande om xxix mudde rox en(de) i mud(de)/ tarwen goet en(de) payable en(de) een halster witter erwiten d(er) mate(n) van loven(e)/ met wa(n)ne en(de) met vede(re)n wel bereit te sent andr(ies)misse apostels te betalen/ en(de) te [by(n)ne(n)] loven tot des voirs(creven) sanders huys te leve(re)n en(de) de voirs(creven) beempde/ eeusele en(de) bloken jaerlix om xii holl(ansche) gulden te weten xxxvi pl(acken) voir den/ gulden gerekent te betalen te wete(n) vii gul(den) d(aer) af te sent remeys misse en(de)/ v gul(den) d(aer) af te kirsmisse den voirs(creven) t(er)myn due(re)nde en(de) telke(n) t(er)myn als v(er)volgde/ schout Behoudelic dien dat de voirs(creven) wynne int yerst jaer vande(n) voirs(creven)/ t(er)myne(n) betalen en sal mer xi gulden en(de) daer voer sal de voirs(creven) sander/ toeghst neestcomende te hem w(er)t trecken tkoren staende int bloc geheiten/ de(n) witte(n)vrouwen hof en(de) van drie vierdele(n) lants gelege(n) opt hontsb(er)ghvelt/ en(de) den voirs(creven) wittenvrouwe(n) hof d sal de voirs(creven) wy(n)ne ten lesten jaer bloet/ laten Item sal de voirs(creven) wynne [op sine(n) cost] den voirg(enoemde) sanders jaerlix den voirs(creven) t(er)myn/ due(re)nde iii dage dyene(n) met syne(n) wage(n) [en(de) p(er)de(n)] It(em) selen de voirs(creven) sanders en(de) de/ wynne hebbe(n) en(de) deilen half en(de) half alle doefte dat inde(n) bog(ar)de(n) ald(aer) wasse(n)/ sal en(de) dat selen sij op hoerre beid(er) cost t(er) eerden leve(re)n en(de) de wynne sal dand(er)/ syne helfte leve(re)n te loven Item sal de voirs(creven) wynne jaerlix leve(re)n lv mandele(n)/ walme(re) goet en(de) cusbaer de husinge mede de decken(e) En(de) alsme(n) die ald(aer) verdect/ of de wende v(er)plect d(aer) af sal de wynne den werclieden den cost gheve(n) en(de) sander/ sal hen de dachue(re)n betalen Oec sal de voirs(creven) wynne sand(ers) voirs(creven) halen altijt/
//
alst int hof te doen sijn sal latten dachroeden en(de) vitselroeden daerse de voirs(creven)/ sanders copen sal Item waert dat des wynne(n) beesten de wende braken vand(er)/ onderster rijchelen nederw(er)t die sal de selve wynne op syne(n) cost wed(er) doen maken/ It(em) sal de voirs(creven) wy(n)ne alle stroe en(de) voesteringe vande(n) voirs(creven) goede(n) komende vue(re)n/ int voirs(creven) hof en(de) dat ald(aer) met sine(n) beeste(n) verthe(re)n en(de) te miste maken en(de) dat mist/ weder opt voirs(creven) lant vue(re)n tot des lants meeste p(ro)fite Item sal de wynne sande(re)n/ voirs(creven) twe verken houden gelijc den syne(n) die hem sanders leve(re)n sal va(n) inganc m(eer)te/ tot sente remeys misse Item sal de voirs(creven) wy(n)ne de voirs(creven) lande wynne(n) en(de) hante(re)n/ wel en(de) loflic den voirs(creven) t(er)myn due(re)nde gelijc syne(n) regenoten en(de) die late(n) ten eynde vande(n)/ selve(n) t(er)myn gelijc hier na volght te weten is den wynt(er) aert houde(n)de x buenre of/ daer omtrent de x dachmale d(aer) af met tarwen besayt en(de) dander met rogge besayt al/ op vier getidige vo(r)en uytgenome(n) drie dachmale gelege(n) bove(n) den plackenbergh [te]/ clackenbergh en(de) een half buenre gelege(n) int rot die hi besayt sal late(n) op/ drie getidige vo(r)en en(de) de stort en(de) brake eens gheerijdt en(de) [d(aer) af dat de storte houden(de) es xi boend(er) en(de) de braken xii boend(er) of d(aer) omtrent] en(de) alle dmist al [dat] gemaect/[sijn sal te] half meerte als de t(er)myn uut gaen sal geet dat sal de voirs(creven) wynne al uut vue(re)n/ opt lant tes lants meest p(ro)fijt Item sal de voirs(creven) wynne alle de lande bloke en(de) beemde/ eeussele [en(de)] bog(ar)de beide jegen die strate en(de) and(er)s ten eynde vande(n) voirs(creven) t(er)myne wel/ en(de) loffelec beheymt laten Item sal de voirs(creven) wynne de hagen en(de) troncboeme moge(n)/ houwe(n) en(de) troncken te behoerlike(n) tide(n) en(de) of e(n)nige(n) boem v(er)droechde die soude/ de wynne hebben en(de) voer elke(n) twe ande(r) vand(n) selve(n) arde weder setten Item/ sal de voirs(creven) wynne ten eynde vande(n) voirs(creven) t(er)myne int hof late(n) xxv wanne(n)/ kaefs en(de) vii mandelen stroes It(em) weert tsake dat de voirs(creven) sand(er) e(n)nige schade/ name int voirs(creven) hof van brande die toe quame in ocsuyn vande(n) voirs(creven) wynne dat/ de selve wynne hem daer af rastoir doen sal ter taxatie(n) van goeden knapen/ It(em) sal de voirs(creven) wy(n)ne bynne(n) twe jare(n) neestkome(n)de met synre meester familien/ come(n) metter wone int voirs(creven) hof It(em) sal de voirs(creven) wynne den voirg(enoemde) sander altoes/tot allen te paesschen den voirs(creven) t(er)myn due(re)n geven een hond(er)t eye(re) en(de) die te love(n) leve(re)n/ It(em) so en sal de wynne bynnen den lesten drie jaren gheen lant moge(n) hoe(r)vrochte(n)/ Et alle dese vorw(er)de(n) (et)c(etera) opp(endorp) godefr(idi) ridd(er) m(ar)cii xvi