Cond sij allen lieden dat daneel van erenboudeghem van holsbeke es come(n)/ in jeg(en)wordich(eit) der scepen(en) van loven(e) en(de) heeft genomen en(de) bekent dat hi/ genomen heeft van jonch(er) janne van goetskoven he(re) te voelen thof [en goede] des selfs/jonch(er) jans gelegen te loppoengne met husen hoven lande beemden en(de) eeuselen/ daer toe hoe(re)nde Te houden te hebben en(de) te wynnen in pechtingen van/ halfmeye nu naest comende ene(n) t(er)mijn van twelf ja(r)en lang daer nae deen/ nae dand(er) sond(er) middel vogen(de) elx jaers dae(re)nbynne(n) o(m)me vijftich mudde/ rogs nyvelscher maten goet en(de) payabel wel bereidt met wa(n)ne en(de) met/ vede(re)n alle ja(r)e hie(re)nbynnen te s(int) andr(ies) misse apostels te betale(n) en(de) by(n)nen den/ voirs(creven) hove te loppoengne te leve(re)n telken t(er)mine als vervolghde schout alsoe/ dat de voirs(creven) wy(n)ne by(n)nen den voirs(creven) xii ja(r)en gelden en(de) bet(alen) sal twelf pachte/ Ende es vorwerde dat de voirs(creven) wy(n)ne alle ja(r)e leve(re)n sal thienhond(er)t custbers/ walms gelijc datmen gewoenlic es daer te maken de huysingen ald(aer) mede/ te decken en(de) als men die aldaer verdect sal de wy(n)ne den werclieden hoe(re)n/ cost gheven en(de) m(ijn) jonch(er) jan de dach(ueren) bet(alen) Oec sal de wy(n)ne hallen en(de)/ b(ri)ngen by(n)nen den voirs(creven) hove sond(er) jonch(er) jans cost alle den leem diemen/ aldaer orbe(re)n sal den voirs(creven) t(er)mijn due(re)nde It(em) gevielt dat aen de voirs(creven)/ huyse yet te maken of te ty(m)me(re)n wa(r)e van ouden werke daer af soude de/ wy(n)ne den werclieden den cost doen en(de) jonch(er) jan soude de dach(ueren) betalen/ mar soe waer swynne(n) beesten aen de wende yet braken dat soude sij hi/ wed(er) doen maken sond(er) jonch(er) jans cost It(em) sal de wy(n)ne allet stroe dat/ op de voirs(creven) goede wassen sal int voirs(creven) hof b(ri)ngen en(de) aldaer te meste/ maken en(de) wed(er) op dlant vue(re)n tot des selfs lants meesten p(ro)fite uut/ gescheyden de thienhond(er)t wals walms voirs(creven) It(em) es vorwerde dat de/ voirs(creven) wy(n)ne jonch(er) jans knechte en(de) sijn boden die van sine(n) wege(n) come(n)/ wel en(de) vriendelic ontf(angen) sal en(de) hen den cost doen en(de) den p(er)den hoy ende/ coren gheve(n) sond(er) jonch(er) janne daer voer enigen afslach te doen It(em) sal/ de voirs(creven) wy(n)ne alle ja(r)e twe boend(er) lants m(er)ghelen wel en(de) loflic It(em) sal/ de voirs(creven) wy(n)ne de lande tot den voirs(creven) goeden hoe(re)nde ten eynde van sine(n)/ t(er)mine laten ind(er) manie(re)n hier nae bescreve(n) dats te weten den aert van chamont/ aen de linde houden(de) omtrent xxvi boend(er) besaeyt met wynt(er)corne op vier/ ghetidege voren en(de) den aert gelegen longheresen [a longhereche hove] houden(de) oec sessentwintich/ boend(er) besaeyt met zom(er)corne op twe getidege voren en(de) den art geleghen/ te harsoit houden(de) omtrent neghene(n)twintich en(de) een half boende(re)n brake laten/ eens o(m)me gedaen Ite(m) soe waer de voirs(creven) wy(n)ne by(n)ne(n) den voirs(creven) t(er)mine inden voirs(creven)/ goeden scade hadde of lede van orloghe of van tempeeste daer af soude de voirs(creven)/jonch(er) jan hem rastoer doen nae groetschen en(de) goeder goetduncke(n) van goede(n) knape(n)
//
inder maten en(de) gelijc dat ande(re) he(re)n en(de) goede liede aldaer boven en(de) benede(n) hae(re)n/ pechtene(re)n of wy(n)nen doen selen ja? op dat de voirs(creven) wy(n)nen den voirs(creven) jonch(er) ja(n)ne/ dat lieten weten by(n)ne(n) xiiii nachten nae dat geschiet wa(r)e om dat te t(er)mine(re)n met/ goeden knapen en(de) soe waer de voirs(creven) wy(n)nen [hem] by(n)nen den voirs(creven) xiiii nachten des/ niet en lieten weten dat hi dan daer af ongehouden soude sijn also hen enich/ rastoer te doen It(em) sal de voirs(creven) wy(n)ne janne voirs(creven) jaerlex gheve(n) (½) mudde/ raepsaets en(de) (½) mudde witt(er) erweten of voer elc half mudde i mudde rogs tsjaers/ Oec sal de selve wy(n)ne den voirs(creven) ja(n)ne jaerlix gheven ii vette verken(en) of voer elc v(er)ken/ ii mudde rogs der maten voirs(creven) Noch es ond(er)sproken dat de voirs(creven) wy(n)ne jaerlex [hie(re)nbynne(n)] den/ voirs(creven) janne gheve(n) sal van drie ja(r)en te drien ja(r)en ene(n) beer iii jaer oudt sijnde/ of daer voere alle ja(r)e een mudde corens Voert es vorw(er)de dat de voirs(creven) wy(n)ne/ den voirs(creven) ja(n)ne jaerlix saeyen sal i halst(er) lijnzaets op al soe dat jan hem [sal] tsaet/ leve(ren) [en(de) de wynne sal tvlas alst gheroet es te lov(en) leve(re)n] ende de voirs(creven) wy(n)ne sal jaerlix moge(n) neme(n) op de voirs(creven) goede sijn berringe/ ter mynst(er) schade(n) sond(er) in jans bosch te houwen It(em) sal de voirs(creven) wy(n)ne jaerlex vande(n)/ bute(n) pachte aldaer [twee voed(er) corens] te loven(e) b(ri)ngen en(de) daer voe(r) sal hem jan voirs(creven) jaerlix gh alle/ ja(r)e gheve(n) vi ellen lakens tot ene(n) rocke Welke vorw(er)de(n) (et)c(etera) hebbe(n) geloeft malcand(eren)/ vast en(de) opp(endorp) opp(endorp) ap(ri)lis xiiii