Ite(m) gord uuten lyemi(n)gen sone gords wilen uuten lyemi(n)gen heeft/ geloeft raese va(n) g(ra)ven he(re) van malevien een bedev(ar)t te doene/ tons(er) vrouwe(n) te rutchemadouwe en(de) den wech d(aer) af aen te/ neme(n) en(de) te porren binne(n) drie weke(n) nae d(er) manisse(n) des/ vors(creven) raes soe wa(n)neer gord vors(creven) de bedev(ar)t in cyp(er)s [en(de) va(n) s(ent) jacobs] die he(m)/ van ons gened(ichs) he(re)n wegen en(de) vand(er) stat wegen gesedt sijn gedaen/ sal hebben of d(aer) af she(re)n en(de) d(er) stat moet gehadt En(de) soe wa(n)neer/ hi van dier bedev(ar)t va(n) rutchemadouwe wed(er)o(m)me come(n) sal sijn/ dat hi dan binne(n) drie weke(n) nae d(er) manisse(n) des vors(creven) raes/ noch een ande(r) bedev(ar)t doen sal te s(ent) jacobs in galissien en(de) va(n)/ elk(er) bedev(ar)t goede w(aer)heit b(ri)ngen in zoene(n) en(de) beet(er)nisse(n) va(n) alsulk(er)/ mesdaet als de vors(creven) gord mesdaen heeft inden p(er)soen pirchons/ va(n) grave(n) dien de vors(creven) gord quetste cor(am) eisdem