Het es comen in rechte lodewijc uuter helcht sone willems uuter helcht alse wittich man en(de) momboe(r)/ magrieten sijns wijfs dochter wilen arnts vanden driessche die hi hadde van aliten vanden elsbroeke sine(n)/ iersten wive jeghen pete(re)n vanden driessche sone des voirs(creven) wilen arnts vanden driessche dien hi hadde/ van [vacat] ve(re)ntruden sinen ande(re)n wive ende henric cruesens swag(er) des voirs(creven) peters die ov(er)mids/ vo(n)nisse van scepen(en) brieven van lovene hen bekendt vanden voirs(creven) wilen arnde vanden driessche in sine(n)/ lesten gehelen stoele beleydt sijn met meye(r) ende scepenen van lovene tot den goeden des selfs arnts/ Daer de voirs(creven) lodewijc uuter helcht een aensprake dede seggende dat sij met hoe(re)n voirs(creven) beleyde al/ rehande goede houdende wae(re)n en(de) aenveerdt hadden gelegen te haeght te kelfs en(de) te w(er)chte(re) in alre/ handen stucke(n) daer aen dat sij verdoelt wae(re)n met hoe(re)n beleyde bi redenen die hi daer toe segge(n)/ soude Ende seyde de selve lodewijc dat de voirs(creven) arnt vanden driessche sijn sweer hadde enen/ vader die geheten was arnt vanden driessche en(de) een wijf geheten [vacat] die de goede/ die hi aensprekende wae(re) hielden en(de) besaten in hoe(re)n gehelen stoele als hoe(r) wittich erve en(de) dat doen/ genueghde den selven arnde den voirs(creven) arnde sinen sone te gehuwene aen der voirs(creven) aliten vande(n)/ elsbroeke moed(er) magrieten sijns wijfs voirs(creven) daer mede dat sij gaven den selve(n) arnde hoe(re)n sone/ vi dachmael lants gelegen te haeght de welke de voirs(creven) peter en(de) henric hem voerhielden/ metten voirs(creven) beleyde met meer ande(re)n goeden inden voirs(creven) steden gelegen Ende seyde voert/ dat nae den voirs(creven) huwelec geschiet de voirs(creven) [vacat] oud(er)moed(er) der voirs(creven) magriete(n)/ van live ter doet quam en(de) dat doen de selve arnt oud(er)vader der voirs(creven) magrieten de voirs(creven)/ goede houdende bleef en(de) die besat als een tochte(re) Ende dat daer nae de voirs(creven) alijt moed(er) der voirs(creven) magriete(n) oec van live ter doet quam den vad(er) en(de) oud(er)vad(er) der selv(er) m(ar)griete(n)/ te live blivende en(de) dat boet de voirs(creven) lodewijc te bethoenen Ende seyde voert dat doen sijns/ wijfs moeder en(de) oud(er)moeder van live ter doet come(n) wae(re)n dat doen die goede daer sijns wijfs oud(er)vad(er)/ een tochte(re) af bleef bleven en(de) comen wae(re)n op arnde hoe(re)n vader en(de) op hoe(r) mids dat hoe(re) moed(er) van/ live ter doet comen was Oec boet de selve lodewijc te thoene(n) dat dmeeste deel vanden voirs(creven) goeden van/ sijns wijfs oud(er)moed(er) weghen comen wae(re)n en(de) dat peter ende henric voirs(creven) met hoe(re)n voirs(creven) beleyde daer/ op verdoelt wae(re)n want hoe(r) vad(er) doen hoe(r) moeder van live ter doet comen was de voirs(creven) goede niet en/ hadde moeghen vercopen noch verande(re)n met hoe(re)n oud(er)vad(er) sonder consent van hoe(r) hopende ende/ meynende de voirs(creven) lodewijc dat mids al den redene(n) voirs(creven) hem en(de) sine(n) wive de voirs(creven) goede volge(n)/ souden en(de) sculdich wae(re)n te volghen en(de) nyemande anders Op dwelke de selve peter en(de) henric/ verantw(er)den dat sij alrehande goede inden voirs(creven) steden liggende hadden [en(de) lodewijc de goede niet en noemde] soe meynden sij op/ de goede die hi aenspreke(n) woude een beleyt te hebben en(de) des des genueghde hen wael een/ vo(n)nisse Den scepen(en) daer op gemaent vanden meye(r) van loven(en) wijsden want peter/ ende henric voirs(creven) beleyt beg(er)den te hebben dat sij dat hebben souden en(de) dae(re)n teynden/ recht welc beleyt de voirs(creven) lodewijc dede op de goede hier nae bescreve(n) dat geschiet/ de selve lodewijc quam en(de) sprac aen in alder voeghen gelijc voirs(creven) es Daer op dat/ de voirs(creven) peter en(de) henric cruesens hen verantw(er)den met hoe(re)n gelev(er)den voersprake/ en(de) deden lesen ene(n) beleyt brief daer mede dat sij beleydt wae(re)n tot den goeden arnts/ vanden driessche vader des voirs(creven) peters en(de) seyden dat arnt voirs(creven) getruwet hadde/ nae staet der heyleg(er) kerken [vacat] hoe(r) moed(er) dwelc sij boden te thoene(n) en(de) dat hoe(r) oud(er)vad(er)
//
die een tochte(re) was vande(n) voirs(creven) goeden lang(er) leefde dan lodics sweg(er) uuter helcht en(de) doen/ peters oud(er)vader van live ter doet quam dat doen de voirs(creven) goede bleve(n) en(de) verstorve(n) op arnde/ sinen vader voirs(creven) die erfgename was vande(n) selven goeden en(de) gheen tochte(re) want twee/ tochte(re)n te gade(r) niet wesen en moghen met meer worden en(de) redene(n) die sij daertoe/ seggen deden De p(ar)tien deden hoe(r) thoenisse gelijc sij hen vermeten hadden alsoe dat de/ scep(en)en van lovene daer op ghemaent wijsden nae aensprake nae antw(er)de nae thonisse/ en(de) nae al dats voe(r) hen comen was dat den voirs(creven) lodewijc volghen souden de goede/ die hi beleydt en(de) aengesproke(n) hadde hier wae(re)n ov(er) jan vande(n) borchove(n) lodewijc/ roelants wouter de sw(er)tvege(re) jan vande(n) tymple jan gheerts en(de) henric van/ mulke scep(en)en van loven(en) int jaer ons he(re)n m cccc en(de) xiii op den ierste(n) dach van m(er)te /[vacat] De goede die beleydt wae(re)n staen op dand(er) blat hier nae volge(n)de