Ite(m) willem uuter helcht ghehete(n) vand(er) borch es come(n) in jege/ w(or)dich(eit) d(er) scepen(en) va(n) lov(en) gestaen [en(de)] heeft geg(even) en(de) beke(n)t dat/ hi geg(even) heeft mathijse va(n) tong(er)loe va(n) wackersele thof/ des vors(creven) willems ghehete(n) ter elst met xxiii [xxvi] boende(re)n la(n)ts/ ocht d(aer) omtrent en(de) sesse boende(r) [ond(er)] beemde en(de) een dachmael/vii vi(½) boend(er) weyde(n) ocht d(aer) omtrent [ende sine(n) toebeh(oerten)] gelege(n) te tieldonc/ Te houde(n) te hebbe(n) en(de) te wy(n)ne(n) van half meye naest come(n)de/ ene(n) t(er)mijn va(n) xii jae(re)n lang deen nae dand(er) d(aer) nae staph(ans)/ volg(ende) elx jaers dae(re)n binne(n) tvors(creven) wy(n)ne(n)de lant elc boend(er)/ d(aer) af om d(aer) thien halst(er) rox goet en(de) payabel d(er) mate(n)/ va(n) lov(en) te s(ent) andr(ies) misse te betale(n) en(de) te lov(en) te leve(re)n En(de)/ de vors(creven) weyde elx jaers om vijftien gul(den) holl(ansche) en(de) twee/ gulden(en) rinsche of de w(eer)de d(aer) af te s(ent) m(er)tens misse te betale(n)/ alle jae(re) den vors(creven) t(er)mijn duer(ende) en(de) telke(n) t(er)mine als v(er)volghde/ schout En(de) es vorw(er)de dat de vors(creven) wy(n)ne de vors(creven) lande/ laete(n) sal ten eynde vande(n) vors(creven) t(er)mine alsoe hijse vynt in/ sine(n) income(n) Dats te wete(n) vii(½) boende(r) voe(r) thof met/ wynt(er) coerne besaeyt op vier getidege vo(r)en Ite(m) vii boend(er)/ gelege(n) op delstervelt bes en(de) twee boende(r) opt horstvelt/ besaeyt met som(er)coerne wel en(de) loeflec Ite(m) de brake te/ te wete(n) iiii(½) [boend(er)] op breetzijp in twee stucke(n) en(de) vier boende(r)/ op de boemmorte(r) en(de) op die leez leepze in vier stucke(n)/[vier boende(r)] eens gheerijt Ite(m) iii dach(mael) en(de) een dach(mael) vijfscoefs brake(n)/ eens gheerijt gelege(n) aen den bog(ar)t ter elst en(de) den vijft/ scoef selen willem en(de) de wy(n)ne te gelike d(ra)gen Ite(m) sal de vors(creven)/ mathijs jaerlex leve(re)n lx mandele(n) walms tvors(creven) hof/ mede te houden(e) en(de) als men die d(aer) v(er)dect soe sal wille(m)/ de dachue(re)n betale(n) en(de) de wy(n)ne [sal den wercliede(n)] den cost gheve(n) en(de) den decke(re) [hen]/ diene(n) Ite(m) en sal de vors(creven) wy(n)ne inde [int oeft vande(n)] twee bog(ar)de bi(n)ne(n) shoefs/ gheen recht hebbe(n) behoudelec dien dat hi s rijsselinge rape(n)/ mach als gheen storm wynt en es en(de) de selve wy(n)ne sal doeft/ hebben inde(n) bog(ar)t te goethem sond(er) wille(m) vors(creven) d(aer)in enich recht/ te behoude(n)
//
Ite(m) sal de vors(creven) wy(n)ne moghen strunke(n) alle trunceyke(n) staende aen/ dwy(n)ne(n)de lant en(de) mutsart d(aer) af make(n) en(de) dat gedaen selen wille(m)/ en(de) de wy(n)ne dien [mutsart] deylen half en(de) half Ite(m) sal de vors(creven) wy(n)ne de/ willege(n) mogen trunke(n) en(de) gheen de goede mede te beheyme(n) en(de) niet/ meer en(de) uut dier loeke(n) jaerlex sette(n) op de goede xxv poten/ Ite(m) mach de vors(creven) wy(n)ne alle v(er)droeghde wielege(n) afhouwe(n)/ en(de) voe(r) elke twee vande(n) selve(n) arn arde wed(er) sette(n) Ite(m) sal/ de vors(creven) wy(n)ne jaerlex een boend(er) lants m(er)ghelen Behoudelec/ dien dat hi in de yerste vi jaer maer v i boend(er) en sal m(er)ghelen/ Ite(m) sal de vors(creven) wy(n)ne den vors(creven) willeme jaerlex houden twee v(er)kene/ gelijc den sine(n) Ite(m) sal de vors(creven) wy(n)ne op de vors(creven) goede houde(n)/ vande(n) vors(creven) wille(m)me een cudde scape te deylen te drien jae(re)n/[en(de) d(aer) toe houden ene(n) goeden sceep(er)e] Ite(m) ghevielt alsoe dats noet wae(re) int vors(creven) hof te plecke(n) of te/ ty(m)meren dat men doen mochte op ene(n) dach dat sal mathijs betale(n)/ maer vielt dats meer dan ene(n) dach [te doen] wae(re) dat sal wille(m) betale(n)/ Ite(m) sal de vors(creven) wy(n)ne de vors(creven) goede ten eynde vande(n) vors(creven) t(er)mine/ wael en(de) loeflec beheymt en(de) v bevreet laete(n) en(de) inde leste drie/ jaer gheen lant moge(n) hoervrochte(n) Ite(m) en sal de vors(creven) wy(n)ne gheen/ stroe noch mest uut de(n) vors(creven) hove(n) moge(n) vuere(n) and(er)s dan op/ tvors(creven) lant slants p(ro)fijte Ite(m) sal den de vors(creven) wy(n)ne den vors(creven)/ wille(m)me jaerlex helpen voere(n) alsulke stake(n) als hi op tvors(creven) goet/ sal doen make(n) ter stede daerse willem vors(creven) v(er)copen sal of doen/ of v(er)orbe(re)n sal Ite(m) ghevielt alsoe dat de vors(creven) wy(n)ne inde(n) vors(creven)/ goede(n) bi(n)ne(n) den vors(creven) t(er)mine schade hadde of lede va(n) tempeesten/ of gemeyne(n) orloge d(aer)af soude wille(m) hem rastoer doen gelijc/ ande(re) he(re)n hoe(re)n wy(n)ne(n) bove(n) en(de) benede(n) doen selen w(aer)t oec alsoe/ dat den vors(creven) wyn wille(m)me in sine(n) vors(creven) hove bi(n)ne(n) de(n) vors(creven)/ t(er)mine enege schade gheschiede va(n) brande die toeq(ua)me va(n) svors(creven)/ wy(n)nen wegen dat de wy(n)ne hem die schade oprichten soude of/ hem d(aer)voe(r) gheve(n) c gul(den) holl(ansche) en(de) niet meer Ite(m) es vorw(er)de/ dat de vors(creven) wy(n)ne ten eynde(n) vande(n) vi jae(re)n scheide(n) mach uut/ d(er) vors(creven) wy(n)ninge(n) op dat hi wilt maer dat moet hi wille(m) vors(creven)/ een jaer te vo(r)en seggen welke vorw(er)de (et)c(etera)
//
hier af sijn borge(n) des vors(creven) wy(n)nen [mathijs] als p(ri)ncip(ael) sculde(re)/ ongesund(er)t en(de) onghesch(eiden) en(de) elc voe(r) al lijde(n)ke lijken/ va(n) tong(er)loe sijn sone henr(ic) brugma(n)s va(n) rotsel(air) pet(er)/ moermans va(n) wackersele (et) p(rim)[(us)] mulke willem(air) mulke/ m(ar)tii vii