Ite(m) jan leeve(n)stoc va(n) putte in jegew(er)dich(eit) d(er) scepen(en) va(n) lov(en)/ gestaen ghenome(n) en(de) beke(n)t dat hi genome(n) heeft va(n) joffr(ouwe)/ joha(n)nen swaefs weduwe jans wilen jan ts(er)claes dpaenhuys/ d(er) selv(er) joffr(ouwe) gelege(n) ter [heer]grecht met sine(n) toebehoerte(n) uutghenome(n)/ dbloc met de(n) wijng(ar)de daer hi gheen recht in hebbe(n) en sal Te/ houde(n) en(de) te hebbe(n) van s(ent) ma(r)ien magdalene(n) dage naest come(n)de/ ene(n) t(er)mijn va(n) sesse jae(re)n deen nae dand(er) d(aer) nae staph(ans) volg(ende) elx/ jaers dae(re)n binne(n) om xiiii oude scilde va(n) goude goet en(de) geve/ of de w(er)de d(aer)af deen helf half tons(er) vrouwe(n) liechtmisse en(de)/ dand(er) helcht ton te s(ent) ma(r)ien magdalene(n) dage te betale(n) jae(re) [alle]/ jae(re) den vors(creven) t(er)mijn duer(ende) en(de) telke(n) t(er)mine als v(er)volghde schout/ Ite(m) sal de vors(creven) jan jaerlex betale(n) de(n) cloeste(r) va(n) vlied(er)beke xx/ mol(evate) rox en(de) oec alsulke(n) erftsijs als sij voertmeer [jaerlex] d(aer) op/ hebbe(n) Voert sal de vors(creven) jan dbloc dat hi nu met g(er)ste(n) besaeyt/ vynt ten eynde va(n) sine(n) t(er)mine besaeyt laete(n) op iiii getidege voe(re)n/ Ite(m) sal de vors(creven) jan ten eynde vande(n) vors(creven) t(er)mine int vors(creven) panthuys
//
laeten alrehande gherec ind(er) w(er)den hier nae volge(n)de Te wete(n) vii/ ame vate viii to(n)nevate een poensoil [poensoen] ind(er) w(er)de va(n) lxii pl(acken)/ drie coelvate een staende vat een ond(er)vat een slijcvat te gade(r)/ w(er)t xxiiii(½) pl(ecken) den eemer op de(n) borne weert sesse plecke(n)/ de groete cupe met de(n) lozen bodeme xlii(½) pl(ecken) dand(er) cupe/ lvii pl(ecken) den trechte(r) de scuppe de stoecgaffele iiii(½) pl(ecken) den/ ketel x gul(den) holl(ansch) Ghevielt oec dat men aen de huyse ald(aer) stae(n)de/ moeste doen decke(n) plecke(n) oft ty(m)me(re)n d(aer) af n soude jan den/ mont cost gelde(n) en(de) joffr(ouwe) vors(creven) alle ande(re)n cost Ite(m) gheviele/ oec enige schade bi t aen de vors(creven) huyse bi toedoene of roeke/ loesheide(n) vande(n) vors(creven) ja(n)ne of va(n) sine(n) boden of beeste(n) dat/ soude hi d(er) vors(creven) joffr(ouwe) oprichte(n) Voert es vorw(er)de dat de/

ja beyde de vors(creven) p(ar)tien va(n) malc ande(re)n scheyde(n) moge(n) ten/ eynde vande(n) drien jae(re)n op dat enich va(n) hen wilt mer/ dat moete(n) sij malc ande(re)n (½) jaer te voe(re)n segge(n) En(de) alle/

de vors(creven) vor(wer)den heeft geloe En(de) alle de vors(creven) vorw(er)de(n) h heeft/ geloeft de vors(creven) jan d(er) vors(creven) joffr(ouwe) vaste en(de) gestedich te houden/[en(de) te voldoen] tallen tijde(n) als sij v(er)schine(n) sele(n) en(de) telke(n) t(er)mine als v(er)volghde schout/ sw(er)tveg(ere) willem(air) m(ar)t(ii) vii