Item willem hollants diemen heet zomer natuerlec sone/ h(ere)n henr(ix) wilen hollant priest(er)s es come(n) in jegew(er)dich(eit) d(er)/ scepen(en) va(n) lov(en) heeft genome(n) en(de) bekendt dat hi genome(n) heeft/ va(n) henr(icke) vande(n) borch(oven) sijn woni(n)ge gelege(n) te v(er)trike d(aer) jan/ coulart in woent mette(n) wy(n)ne(n)de lande dat de vors(creven) henr(ic)/ te v(er)trike houde(n)de es uutghescheide(n) alsulc lant als jan/ de munte(re) jan vynke en(de) henr(ic) va(n) gorssam vande(n) vors(creven) henr(icke)/ wy(n)ne(n)de sijn Te houde(n) te hebbe(n) en(de) te wy(n)nen va(n) half m(er)te/ naest toecome(n)de ene(n) t(er)mijn va(n) vi jae(re)n lang deen nae/ dand(er) d(aer) nae staph(ans) volg(ende) elx jaers dae(re)n binne(n) tvors(creven) wy(n)/ nende lant om achtentachtentich mudde rox goet en(de) payabel/ alsulx als te v(er)trike gemeynlec wasse(n)de es met wa(n)ne en(de) met/ veede(re)n wel bereydt d(er) maten va(n) thiene(n) dats te wete(n) sesse/ halst(er) d(er) selv(er) mate(n) voe(r) een mudde gereke(n)t te s(ente) andr(ies) misse/ te betale(n) en(de) te lov(en) te leve(re)n alle jae(re) den vors(creven) t(er)mijn duer(ende) ende/ telken t(er)mine als v(er)volghde schout Ite(m) sal de vors(creven) wy(n)ne hebben/ en(de) houden vande(n) vors(creven) henr(icke) den vors(creven) t(er)mijn duer(ende) twee boend(er)/ eussels die men heet den vond(er) beemt Ite(m) ond(er)half boend(er)/ beemts die men heet de bosbeemde en(de) [Item] noch een boend(er) beemts/ d(aer) neve(n) gelegen op de side(n) te nuwen wege w(er)t It(em) een dach(mael)/ beemts dat me(n) heet den bruel alle jae(re) om xx gul(den) holl(ansche)/ va(n) goude goet en(de) gheve of de w(er)de d(aer) af Item te s(ente) m(er)tens/ misse inde(n) wynt(er) te betalen It(em) sal de vors(creven) wy(n)ne hebben/ en(de) behoude(n) de weyde vande(n) drien bog(ar)de die de vors(creven)/ henr(ic) te v(er)trike houdende es It(em) sal de vors(creven) wyn(n)ne hebbe(n) half/ doeft vande(n) bog(ar)den ald(aer) en(de) de vors(creven) henr(ic) dand(er) helcht/ uutgesch(eiden) doeft vande(n) bog(ar)de gelegen neve(n) thof vanden/ borch(oven) dwelc de vors(creven) henr(ic) alleene hebbe(n) sal en(de) de vors(creven)/ wy(n)ne sal henr(icke) alle sijn oeft te lov(en) leve(re)n het en wae(re) dat/ hijt v(er)cochte dat sijt [hijt] dan niet sculd(ich) en sal sijn te leve(re)n/ Ite(m) sal de vors(creven) wy(n)ne hebbe(n) den vors(creven) t(er)mijn duer(ende) een half/ schuere staende inde woni(n)ge die men heet den borchof/ Ite(m) sal de vors(creven) wy(n)ne den vors(creven) henr(icke) den vors(creven) t(er)mijn duer(ende)
//
gheve(n) vii[c] walme(re) om de huyse ald(aer) mede te decke(n)/ en(de) als de vors(creven) henr(ic) ald(aer) decke(n) of plecke(n) doet soe sal/ de wy(n)ne den wercliede(n) den cost gheve(n) en(de) henr(ic) de dachur(en)/ betalen Ite(m) sal de vors(creven) wy(n)ne den vors(creven) henr(icke) alle jae(re)/ hie(re)n bi(n)ne(n) vier halst(er) raepsaets en(de) twee halst(er) erwete(n)/ te s(ente) andr(ies) misse te betale(n) Ite(m) sal de vors(creven) wy(n)ne den/ vors(creven) henr(icke) alle jae(re) den vors(creven) t(er)mijn duer(ende) een halst(er)/ lijnsaets zayen tot henr(ix) behoef en(de) d(aer)toe sal henr(ic)/ tsaet leve(re)n It(em) sal de vors(creven) wy(n)ne den vors(creven) henr(icke) ov(er)tijt/ twee v(er)ken houden den vors(creven) t(er)mijn duer(ende) gelijc sine(n) lijf/ verkene(n) Item sal de wy(n)ne den vors(creven) henr(icke) alle jae(re)/ den vors(creven) t(er)mijn duer(ende) iiii sacke tarwe(n) voe(r) iiii sacke/ rox gheve(n) It(em) sal de vors(creven) henr(ic) den vors(creven) wy(n)ne/ beyde(n) xx sacke core(n)s tot hoe(re)n [sine(n)] leste(n) jae(re) toe Item/ sal de vors(creven) wy(n)ne moge(n) hoervrochte(n) in sine(n) lesten/ jae(r) twee boend(er) lants en(de) niet meer Ite(m) sal de/ wy(n)ne in sijn leste jaer den art besaeyt laete(n) gelijc/ dat hine vynde(n) sal en(de) alle dand(er) lant sal hi laete(n)/ o(m)megestort en(de) o(m)megedaen uutgesch(eiden) twee boend(er)/ It(em) mach de vors(creven) wy(n)ne besayen een dach(mael) lants met/ rape(n) inde(n) lesten jae(r) Ite(m) sal de vors(creven) wy(n)ne houden/ vijf dach(mael) helcht lants en(de) va(n) elke(n) dach(mael) gheven/ een halst(er) rox alle jae(re) den vors(creven) t(er)mijn duer(ende)/[Item sal de vors(creven) wy(n)ne den vors(creven) henr(icke) jaerlex [van] sine(n) wijne ge als hi [te v(er)trike] gewassen sal sijn een boend(er) te lov(en) leve(re)n en(de) sijn stake den vors(creven) henr(icke) [van] d(aer) hijse maken sal of doen copen voe(r) sine(n) wijng(ar)t vueren Item sal sal de vors(creven) wy(n)ne den vors(creven) henr(icke) jaerlex houde(n) va(n) kers(misse) tot chinxen vi cap(uynen) It(em) es vorw(er)de dat vors(creven) wy(n)ne alle stroe va(n)de(n) vors(creven) goede(n) come(n)de vuere(n) sal int tvors(creven) hof en(de) dat ald(aer) v(er)te(re)n met sine(n) beeste(n) en(de) te meste make(n) en(de) dat vue(re)n op tvors(creven) lant slants meeste(n) p(ro)fijte sond(er) yet d(aer) af te v(er)copen of uut te vueren] En(de)/ alle dese vors(creven) vorw(er)de(n) en(de) geloefte(n) hebbe(n) geloeft/ de vors(creven) henr(ic) in deen side en(de) willem in dande(r) side/ malc ande(re)n vaste en(de) gested(ich) te houde(n) en(de) te voldoene/ talle(n) tijde(n) en(de) t(er)minen als sij al valle(n) en(de) v(er)schine(n) sele(n)/ en(de) telke(n) t(er)mine als v(er)volghde schout H(ier) af sijn/ borgen des vors(creven) wille(m) als p(ri)ncipael sculde(re)n ongesund(er)t/ en(de) ongesch(eiden) (et)c(etera) henr(ic) de cryte(re) va(n) libbeke jacob de cryte(re)/ sijn brued(er) vranke alboem va(n) bout(er)shem en(de) jan goylart/(et) p(ri)m(us) py(n)noc h(er)tsh(als) no(vembris) xxiii