Cont sij allen lieden dat h(er) coenraet vand(er) balct proefst/ des godshuys van s(ent) g(er)truden binne(n) loeven(en) es comen in/ jeghewordich(eit) der scepene(n) van lovene en(de) heeft gecon/ stituert en(de) mechtich gemaect tot sine(n) wed(er)roepe(n)/ h(ere)n vranken den pape canonic regulier [en(de) t(er) treseryer] des/ selfs godshuys alle de erfleke goede chijnse renten/ en(de) pacht d(er) selv(er) treseryen toebehoe(re)nde bi(n)nen lovene/ en(de) buten lov(en) gelege(n) te rege(re)n te guv(er)ne(re)n te heyschen/ te heffen en(de) tontfaen de sculde(re)n d(aer) af quijte te schelde(n)/ de vors(creven) erfleke goede chijse renten en(de) pachte/ inden rechte te v(er)volgen en(de) te v(er)antw(er)den op dats/ te doen wae(re) tot den panden en(de) ond(er)panden voe(r)/ ghebrec vanden selv(en) goeden chijnse pachte en(de) renten/ te daghen en(de) te panden of te doen daghen en(de) pande(n)/ de vorscr(even) goede tot t(er)mine(n)? te v(er)hue(re)n en(de) uut te/ geve(n) behout van chijnse pachte en(de) renten na/ den rechte te doen op dats noet wae(re) En(de)/ voert alle ande(re) saken d(aer) inte doen en(de) te vorde(re)n/ die vors(creven) proefst selv(er) doen mochte oft doen soude/ waert dat hi in p(ro)pe(re)n p(er)sone jegewordich wae(re) gelo/ vende de selve h(er) coenraet proefst vors(creven) vaste en(de)/ gestedich te houden Soe wes de vors(creven) vranke in/ den vors(creven) saken doen sal Hier wae(re)n ov(er) borch(oven)/ h(er)tsh(als) ja(nuarii) x iii[a]