Item cont sij allen liede(n) die dese l(ette)ren sele(n) sien ocht/ hoe(re)n lesen dat h(er) henr(ic) fage prieste(r) es come(n) in/ jegew(er)dich(eit) d(er) scepe(ne)n va(n) lov(en) en(de) heeft geloeft meest(er)/ gorde va(n) oest(er)hem deken d(er) kerke(n) va(n) s(ent) pet(er)s va(n)/ lov(en) h(ere)n b(er)narde clinc (et) h(ere)n romb(out) willem(air) canonc/ d(er) selv(er) kerken of den ene(n) va(n) hen bri(n)ge(r) des(er) l(ette)ren/ inde(n) name en(de) tot behoef d(er) he(re)n deken en(de) cap(itte)le/ d(er) vors(creven) kerke(n) d(er) he(re)n deken en(de) cap(itte)le d(er) vors(creven) kerke(n)/ dat hi alse hoe(r) rentmeest(er) alle de goede pacht tienden/ tsijs en(de) renten d(er) selv(er) cap(itte)len met allen hoe(re)n toe/ behoirten soe waer sij belegen sijn wel ende ghetru/ welec inhalen inheffen en(de) invoeren sal aen en(de) van alle(n)/ den ghenen die d(er) cap(itte)len voirscr(even) d(aer) af sculdich moge(n)/ sijn och sculdich selen sijn en(de) alle de goede en(de) renten/ d(er) voirscr(even) he(re)n vand(er) cap(itte)len v(er)antw(er)de(n) sal va(n) jae(re) te jae(re)/ en(de) die oec wed(er) uutgheve(n) en(de) betalen tot hoe(re)n meeste(n)/ orbe(re) en(de) p(ro)fijte daert hen sal ghenuege(n) en(de) d(aer) af goede/ wettege reekeni(n)ge jaerlex doen sal voe(r) de cap(itte)le en(de)/ die reekeni(n)ge van jae(re) te jae(re) also lange als hi rentmeest(er)/ sijn sal gedaen eest dan dat men vyndt dat de vors(creven)/ h(er) henr(ic) tot den vors(creven) he(re)n gehoude(n) es dat sal de selve/ h(er) henr(ic) den vors(creven) he(re)n tot hoe(re) manissen ghelde(n) ende/ betalen als vervolghde schout eest oic dat men vint dat/ de vors(creven) he(re)n tot den voirs(creven) [he(re)n] henr(ic) ghehouden sijn sijn/ rekeninge ghedaen va(n) jae(re) te jae(re) dat sele(n) he(m) de voirs(creven)/ he(re)n tot sijnre manissen ghelden en(de) betale(n) als/ v(er)volghde schout Behoudelic dien soe waer de/ selve cap(itte)le enige renten hadden die de selve h(ere)n/ h(er) henric vanden sculde(re)n niet ghehebben noch/ gec(ri)ghe(n) en co(n)ste ocht die met de(n) rechte v(er)volght/ moesten sijn dat hi die den voirs(creven) he(re)n also in tijts?/ ov(er)gheven sal dat sij d(aer) van bij ocsuyne och schulde va(n)/ hem gheen scade en hebbe(n) noch en liden hier af
//
sijn borge(n) als p(ri)ncipael sculde(re)n ongesund(er)t en(de) onghesceyde(n)/ en(de) elc voe(r) al meest(er) jan vand(er) lynden canonic d(er) kerke s(ente) pet(er)s/ vors(creven) henr(ic) en(de) olivier corema(n)s va(n) vossem ghebruede(re) welke/ voirg(enoemde) de vors(creven) he(re)n henr(ic) hier af geloeft heeft co(m)m(er)loes en(de)/ scadeloes te houdene hier wae(re)n ov(er) lod(ewijc) pynnoc en(de) giel(is) de rike/ scepen(en) va(n) lovene int jaer (et)c(etera) xix dage in oeghste