Item jan van coni(n)xloe es come(n) op den dach van hede(n) voe(r) meye(r)/ en(de) scepen(en) van loeven(en) hier nae ghenoemt en(de) heeft begheert/ aen den vors(creven) meye(r) wa(n)t henr(ick) en(de) abraen van coni(n)xloe sijn/ brued(re)n ghequedst en(de) meshandelt hadde(n) joffr(ouwe) joessen/ eveloeghs en(de) joff(rouwe) maghtelde(n) boets no(n)nen vande(n) wittevrouwe(n)/ te loeven(en) de selve joffr(ouwen) te beleyde(n) nae d(er) stat recht van loven(en)/ Alsoe dat de meye(r) maende de scepen(en) die wijsden dat men/ v(er)hoe(re)n soude den geswor(en) meest(er) vand(er) stat die de [vors(creven)] joffr(ouwen) in/ hande(n) hadde te ghenesen ocht de xl dage lede(n) wae(re)n/ dat de joff(rouwen) gequedst wae(re)n en(de) ocht sij doen hijse lestw(er)f/ verbant enich noet hadde(n) vande(n) live vande(n) vors(creven) quetsuere(n)/ welc meest(er) nam op sine(n) eet dien hi d(er) stat gedaen hadde/ dat de xl dagen wae(re)n leden dat sij gequedst worden en(de) dat/ sij doen hijse lestw(er)f verbant gheen noet en hadde(n) vande(n) live/ van hoe(re)n quetsueren dat geschiet de meye(r) van loeven(en)/ maende voert de scepen(en) die wijsden [vore een vo(n)nisse] de vors(creven) joffr(ouwen)/ beleydt sijnde nae ons gened(ichs) he(re)n heerlech(eit) van brab(ant) en(de)/ nae sijnre stat recht van loeven(en) Hier wae(re)n ov(er) jan de witte/ jan vande(n) huffele jan vande(n) borchove(n) en(de) raes van g(ra)ven scepen(en)/ van loeven(en) septembr(is) xxi